باعدارلاما اياسىندا بىرقاتار ءىرى ينفراقۇرىلىمدىق نىساننىڭ قۇرىلىسى جۇرگىزىلۋدە. سونىمەن, №49 مەكتەپتى كۇردەلى جوندەۋ كەزىندە 98 جاڭا جۇمىس ورنىن اشۋ جوسپارلانۋدا, ونىڭ 55-ءى حالىقتى جۇمىسپەن قامتۋ ورتالىعى ارقىلى جۇزەگە اسادى.
تۇران داڭعىلىنان جيدەلى (№37) كوشەسىنە دەيىنگى ۋچاسكەدە № 26 كوشەنى سالۋ كەزىندە 189 جاڭا جۇمىس ورنىن اشۋ جوسپارلانۋدا.
قاتىسۋ الگوريتمى مىناداي:
"الدىمەن نۇر-سۇلتان اكىمدىگىنىڭ حالىقتى جۇمىسپەن قامتۋ ورتالىعىنا call-ورتالىق ارقىلى 8 717 257 88 88 نومىرىنە حابارلاسۋ قاجەت. سودان كەيىن جۇمىس ىزدەۋشىنىڭ تىلەكتەرىنە سۇيەنە وتىرىپ, ورتالىق ماماندارى جوبالارعا لايىقتى بوس جۇمىس ورىندارىن تاڭداپ, اڭگىمەلەسۋگە جىبەرەدى. باعدارلاماعا قاتىسۋ ءۇشىن قۇجاتتار ءتىزىمى – جەكە كۋالىك, ديپلوم جانە ەڭبەك كىتاپشاسى (بار بولسا)", – دەپ ءتۇسىندىردى ورتالىق ماماندارى.
نۇر-سۇلتان قالاسىنىڭ جۇمىسپەن قامتۋ ورتالىعى ءوز كەزەگىندە جۇمىسسىزداردى جۇمىسقا ورنالاستىرۋ مونيتورينگىن جۇرگىزەدى, سونداي-اق جوبالاردا جاڭا جۇمىس ورىندارىنىڭ قۇرىلۋىنا جەتەكشىلىك ەتەدى. باعدارلامانى ىسكە اسىرۋ جونىندەگى جەدەل شتاب جۇمىس ىستەيدى, وندا جۇمىس بەرۋشى-مەردىگەرلەرمەن ءوزارا ءىس-قيمىل جاسايتىن سالالار بويىنشا بولىنگەن 12 جوبا اكىمشىسى بار.
اكىمشىلەر باستالعان جۇمىس سانىن, قۇرىلعان جۇمىس ورىندارىن جانە جۇمىسپەن قامتۋ ورتالىعى ارقىلى ەڭبەكپەن قامتىلعان جۇمىسسىزدار سانىن باقىلايدى. جۇمىسپەن قامتۋدىڭ جول كارتاسى بويىنشا ەڭ كوپ سۇرانىسقا يە بوس ورىندار – ەلەكتريك, دانەكەرلەۋشى, سلەسار, مونتاجداۋشى, ۆسدە كاتەگوريالى جۇرگىزۋشى.
ايتا كەتۋ كەرەك, "جۇمىسپەن قامتۋدىڭ جول كارتاسى" مەملەكەتتىك باعدارلاماسى اياسىندا قازىرگى ۋاقىتتا 3137 ادام جۇمىسپەن قامتىلعان. نۇر-سۇلتان قالالىق جۇمىسپەن قامتۋ ورتالىعى 7 628 ادامعا جۇمىس بەرۋدى جوسپارلاپ وتىر. 101 ۇيىممەن نيەت حاتتاماسى جاسالدى. ەلوردا تۇرعىندارى ءار ءتۇرلى سالادا ىسكە قوسىلعان 95 ينفراقۇرىلىمدىق جوبا بويىنشا جۇمىسقا تۇرا الادى.
