قوعام • 30 ماۋسىم، 2020

قورعانىس مينيسترلىگىندە كوروناۆيرۋسپەن كۇرەس جونىندەگى ءىس-شارالار تالقىلاندى

21 رەت كورسەتىلدى

قورعانىس مينيسترلىگىندە اپپاراتتىق كەڭەس بارىسىندا جەكە قۇرامدى كارانتيندىك شارالار جاعدايىندا جاۋىنگەرلىك دايارلاۋ جانە وقىتۋ ماسەلەلەرى، قارۋلى كۇشتەردەگى كوروناۆيرۋس ىندەتىمەن كۇرەس جونىندەگى ءىس-شارالار تالقىلاندى، - دەپ حابارلادى اتالعان مينيسترلىكتىڭ ءباسپاسوز قىزمەتى.

قارۋلى كۇشتەردەگى جازعى وقۋ كەزەڭىندە باسقارۋ ورگاندارى مەن اسكەرلەردى دايىنداۋدىڭ بىرىڭعاي كەشەندى ستراتەگيالىق مىندەتى كوزدەلگەن ءىس-شارالار جالعاستىرىلۋدا.

قورعانىس ۆەدومستۆوسى باسشىسى گەنەرال-لەيتەنانت نۇرلان ەرمەكباەۆ الدىن الا دايىندىق جۇرگىزۋ مەن ساباق وتكىزۋ باعدارلامالارىن، نىساندارىن ناقتىلاۋ قاجەتتىگىن اتاپ ءوتتى. ءبىلىم الۋشىلاردىڭ اسكەرلەردى قولدانۋدى جوسپارلاۋداعى ءبىلىم مەن داعدىلاردىڭ تولىققاندى كەشەنىن مەڭگەرۋ ماقساتىندا تولىق ديناميكالىق جاعدايلاردا داعدارىستىق جاعدايلاردىڭ ءبىر مەزگىلدە تۋىنداۋىمەن جاعداي جاسالعان.

اتۋ دايىندىعىن ۇيىمداستىرۋ ماسەلەسى جەكە قارالدى. كەڭەستە جاڭعىرتىلعان باعدارلامالاردى ساپالى مەڭگەرۋ، جاتتىعۋلاردى ورىنداۋ، جەكە قۇرامنىڭ وقۋ جانە باقىلاۋ اتىستارىن ورىنداۋ قاجەتتىگى اتاپ ءوتىلدى.

اسكەري-تەڭىز كۇشتەرىندەگى تاجىريبەلىك ساباقتاردا كورابلدەر ەكيپاجدارىنىڭ تەحنيكالىق قۇرالدار مەن قارۋ-جاراقتى باسقارۋ داعدىلارىن قالىپتاستىرۋعا، كورابلدىڭ توزىمدىلىگى ءۇشىن كۇرەسكە جانە شارتتى جاۋعا قارسى ءىس-قيمىلعا باعىتتالعان بارلىق ەكيپاج مۇشەلەرىنىڭ ءىس-قيمىلدارىنىڭ ۇيلەسىمدىلىگىنە ءبىرىنشى كەزەكتە نازار اۋدارۋ تۋرالى نۇسقاۋلار بەرىلدى.

اۋە قورعانىسى كۇشتەرىنە جاۋىنگەرلىك وقۋ مىندەتتەرىمەن قاتار ەلدىڭ اۋە شەپتەرىن كۇزەتۋ بويىنشا قىزمەت اتقارۋ كەزىندە قىراعىلىقتى تومەندەتپەۋدى، سونداي-اق اۋە قورعانىس كۇشتەرى اسكەري ينستيتۋتىنىڭ كۋرسانتتارىن دايارلاۋ باعدارلاماسىندا بەلگىلەنگەن ۇشۋ ساعاتتارىنىڭ سانىن ورىنداۋدى تاپسىرىلدى. 

جۇقتىرعانداردى انىقتاۋ، وقشاۋلاۋ جانە ەمدەۋ بويىنشا جۇرگىزىلگەن الدىڭعى جۇمىستى تالداۋ، سونداي-اق ينفەكتسيانىڭ تارالۋىنىڭ الدىن الۋداعى پراكتيكالىق تاجىريبە نەگىزىندە قر قارۋلى كۇشتەرىندە كۇزگى-قىسقى كەزەڭگە كوروناۆيرۋسپەن كۇرەس بويىنشا جوسپار ازىرلەندى. قورعانىس ءمينيسترى وبەكتىلەر مەن اۋماقتاردى دەزينفەكتسيالاۋ جونىندەگى ءىس-شارالاردى وتكىزۋ سالاسىندا جەرگىلىكتى اتقارۋشى ورگاندارمەن ءوزارا ءىس-قيمىلدى تولىق جانە ساپالى ىسكە اسىرۋعا، سونداي-اق ۇيىمداستىرۋعا نازار اۋداردى.

بەلگىلەنگەن مەرزىمدەرگە سايكەس ازاماتتاردى قارۋلى كۇشتەرگە، باسقا دا اسكەرلەر مەن اسكەري قۇرالىمدارعا مەرزىمدى اسكەري قىزمەتكە شاقىرۋ وتەدى. كەڭەستە شاقىرۋ كوميسسياسىنىڭ جۇمىسىنا قويىلاتىن سانيتارلىق تالاپتار جەتكىزىلدى. اتاپ ايتقاندا بايلانىسسىز تەرمومەتريا، ماسكالىق رەجيم، الەۋمەتتىك ديستانتسيرلەۋ جانە ءۇي-جايلاردى وڭدەۋ.

اسكەرلەردە بارلىق سانيتارلىق-ەپيدەمياعا قارسى تالاپتاردىڭ ساقتالۋىن ەسكەرە وتىرىپ، 2020 جىلعى اسكەري حالىقارالىق ويىندارىنداعى جەكە كونكۋرستاردى وتكىزۋ ورىندارى مەن كوماندالاردى دايىنداۋ جالعاسۋدا.

سوڭعى جاڭالىقتار

ۇقساس جاڭالىقتار