ايماقتار • 30 ماۋسىم، 2020

باتىس قازاقستان وبلىسىندا 47 باعانا قۇلاپ قالدى

160 رەت كورسەتىلدى

باتىس قازاقستان وبلىسى ماۋسىمنىڭ 29-ى كۇنى بولعان كۇشتى جەلدىڭ سالدارىنان بولعان شىعىندى ەسەپتەۋدە دەپ حابارلايدى Egemen Qazaqstan. الدىن الا بولجامعا قاراعاندا جالپى كولەمى 1434 شارشىمەتر شاتىر جەلمەن ۇشقان، ەلەكتر جەلىلەرى مەن بيلاين ۇيالى بايلانىس وپەراتورىنىڭ 47 باعانى قۇلاپ، بىرنەشە ەلدىمەكەن ەلەكتر قۋاتىنسىز قالعان، - دەپ جازادى Egemen.kz

تابيعاتتىڭ توسىن قۇبىلىسى بولاتىنىن "قازگيدرومەت" مەكەمەسىنىڭ باتىس قازاقستان وبلىستىق فيليالى ءبىر كۇن بۇرىن ەسكەرتكەن ەدى. ياعني باتىس قازاقستان وبلىسىنىڭ كەي جەرىندە نايزاعاي ويناپ، بۇرشاق جاۋاتىنى، سولتۇستىك-شىعىستان، شىعىستان كۇشى 15-20 م/س بولاتىن جەل سوعاتىنى الدىن الا ەسكەرتىلگەن. ايتقانداي-اق، كۇشتى جەل مەن نوسەردىڭ ەكپىنى كەي جەردە سەكىندىنا 22 مەترگە دەيىن جەتتى.

تاسقالا اۋدانىنا قاراستى ويان اۋىلىندا كۇشتى جەلدىڭ اسەرىنەن 1974 جىلى سالىنعان ورتا مەكتەپ عيماراتى 70 شارشىمەتر شاتىرىن جەل ج ۇلىپ اكەتتى.

ءدال وسى كەزدە اقجايىق اۋدانىنا قاراستى بازارتوبە اۋىلدىق وكرۋگىندە دە جىلدامدىعى سەكۋندىنا 19 مەترلىك جەل سوعىپ، مەكتەپ پەن اۋىل اكىمدىگى عيماراتى، 12 تۇرعىن ءۇي شاتىرى ءب ۇلىندى. بۇل اۋىلدا جەل ۇشىرعان شاتىردىڭ جالپى كولەمى 216 شارشىمەتر ەكەن.

وسىنداي جاعداي سىرىم اۋدانىندا دا بولدى. "تۇيەنى شايقايتىنداي" كۇشتى جەل اۋدان اۋماعىنداعى ەلەكتر تاراتۋ جەلىسىنىڭ 36 باعاناسىن قۇلاتقان. ءسويتىپ، تابيعاتتىڭ توسىن مىنەزىنەن قوسوبا اۋىلىنداعى 126 ءۇي مەن الەۋمەتتىك 4 نىسان، 26 ۇيلىك قاراقۇدىق اۋىلى، 48 ۇيلىك كوزدىعارا اۋىلى جانە 4 ۇيلىك جارقامىس بەكەتى ۋاقىتشا جارىقسىز قالدى.

داۋىلدان ەڭ كوپ زارداپ شەككەن – وسى سىرىم اۋدانى بولدى. ماسەلەن بۇلدىرتى اۋىلىندا اكىمدىك عيماراتى، كىتاپحانا، "بولاشاق" دۇكەنى جانە "بايتەرەك" كافەسى عيماراتتارىنىڭ پروفليست شاتىرىن جەل ج ۇلىپ تاستادى. 3 ءۇيدىڭ شاتىرى ءب ۇلىندى. قوسوبا اۋىلىندا 21 ءۇي، جىراقۇدىقتا – 14، شاعىرلىوي اۋىلىندا – 20، قوسارال ەلدىمەكەنىندە 8 ءۇيدىڭ شاتىرىن اۋىل توڭكەرىپ تاستادى. اۋدان بويىنشا ب ۇلىنگەن شاتىردىڭ كولەمى 1208 شارشىمەترگە جەتتى.

جاڭاقالا اۋدانىنا قاراستى قىرقوپا اۋىلىندا بيىكتىگى 15 مەترلىك بايلانىس مۇناراسىن داۋىل جىعىپ كەتىپتى. ءسويتىپ، اۋىلداعى 178 ابونەنت بايلانىسسىز قالعان.

"تابيعاتتىڭ توسىن قۇبىلىسى بۇگىن بايقالۋدا" دەپ حابارلايدى باتىس قازاقستان وبلىستىق توتەنشە جاعدايلار دەپارتامەنتى. قازتالوۆ اۋدانىنان جەتكەن حابارعا قاراعاندا جىلدامدىعى سەكۋندىنا 22 مەتر داۋىل سوعىپ، ەلەكتر تاسىمالدايتىن 11 باعاندى قۇلاتىپ كەتكەن. قازىر وقيعا ورنىنا ماماندار جىبەرىلىپ، كەلتىرىلگەن زارداپ كولەمى انىقتالىپ جاتىر.

 

باتىس قازاقستان

سوڭعى جاڭالىقتار

ۇقساس جاڭالىقتار