جەتەكشى قازاقستاندىق ۋنيۆەرسيتەت «THE Asia Award-2020» رەيتينگىنىڭ كوشباسشىلىق جانە مەنەدجمەنت بويىنشا ۇزدىك كوماندا اتالىمىندا «Outstanding Leadership and Management Team» اتاپ ءوتىلدى. ءوزىنىڭ جوعارى باسەكەگە قابىلەتتىلىگى مەن باسقارۋ تيىمدىلىگىن راستاي وتىرىپ, قازۇۋ پوستكەڭەستىك كەڭىستىكتەگى ەلدەردىڭ جالعىز جوعارى وقۋ ورنى بولىپ قۇرلىقتاعى 10 مىڭنان استام جەتەكشى ۋنيۆەرسيتەتتەرى اراسىندا ۇزدىك وندىققا ەندى. ۇدەرىستىك مەنەدجمەنت, ناتيجەگە باعىتتالعان باسقارۋ مەن قىزمەتتى باعالاۋدىڭ رەيتينگتىك جۇيەسىن ەنگىزۋ, بارلىق بيزنەس-ۇدەرىستەردى اۆتوماتتاندىرۋ, Smart-تەحنولوگيالار مەن Big Data پايدالانا وتىرىپ تسيفرلى ينفراقۇرىلىمدى, سونداي-اق اقپاراتتىق زياتكەرلىك-ساراپتامالىق جۇيەنى قۇرۋ, قازۇۋ-دىڭ جەتەكشى ورىندى يەلەنىپ وتىرعان كوپتەگەن الەمدىك رەيتينگتە تابىستى جانە قارقىندى جىلجۋىنىڭ كەپىلى بولدى. قازىرگى ۋاقىتتا الدىڭعى قاتارلى قازۇۋ-دىڭ تاجىريبەسىن شەتەلدىك جوعارى وقۋ ورىندارى زەرتتەپ, قابىلداپ جاتىر, ال مايكروسوفت كومپانياسى ۋنيۆەرسيتەتتى دامىتۋدىڭ تسيفرلى مودەلىن ۇزدىك تاجىريبەلەردىڭ ءبىرى رەتىندە مويىندادى. ايتا كەتەرلىك جايت, بيىل دەليدەگى بۇكىلالەمدىك INBUSHERA-2020 سامميتتە قازۇۋ رەكتورى عالىم مۇتانوۆ مەنەدجمەنت جانە جاھاندىق دەڭگەيدەگى كاسىپكەرلىك, عىلىم سالاسىنداعى بەلگىلى نوۆاتور عالىمدارعا بەرىلەتىن «Amity Global Academic Excellence Awards» حالىقارالىق سىيلىعىنا يە بولدى.
