قاسىم-جومارت توقاەۆ گۋربانگۋلى بەردىمۇحامەدوۆتى 63 جاسقا تولعان تۋعان كۇنىمەن قۇتتىقتاپ, باۋىرلاس تۇرىكمەنستان حالقىنىڭ يگىلىگى جولىندا اتقارىپ جاتقان جاۋاپتى مەملەكەتتىك قىزمەتىنە تابىس تىلەدى.
اڭگىمەلەسۋ بارىسىندا مەملەكەتتەر باسشىلارى ەكى ەل اراسىنداعى قارىم-قاتىناستى جوعارى دەڭگەيدە نىعايتا بەرۋگە بەيىلدى ەكەنىن ناقتىلادى. سونىمەن قاتار ستراتەگيالىق سەرىكتەستىكتى دامىتۋعا, اسىرەسە, ساۋدا-ەكونوميكا سالاسىنداعى ىنتىماقتاستىقتى ارتتىرۋعا وڭتايلى جاعداي جاسالعانىن اتاپ ءوتتى.
قاسىم-جومارت توقاەۆ گۋربانگۋلى بەردىمۇحامەدوۆكە قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆقا قولداۋ كورسەتىپ, جەدەلحات جولداعانى ءۇشىن ريزاشىلىق ءبىلدىردى.
