دەنساۋلىق ساقتاۋ باسقارماسىنىڭ بۇيرىعىمەن پروۆيزورلىق ستاتسيونارعا باسقا ەمحانالارداعى دارىگەرلەر مەن مەدبيكەلەر قوسىمشا جۇمىسقا الىنعان. قالالىق اۋرۋحاناداعى سالالىق دارىگەرلەردىڭ ءبارى پروۆيزورلىق ناۋقاستاردى قابىلداپ, تەك سولاردى ەمدەۋمەن اينالىساتىن بولادى. سونىمەن قاتار ناۋقاستاردىڭ كەزەككە تۇرۋ ماسەلەسى رەتتەلىپ, ەمدەۋ مەكەمەسىندە cاll ورتالىق ۇيىمداستىرىلدى. مۇنداعى جەدەل كومەك كورسەتۋ ءبولىمى مەن جاراقات ءبولىمى وبلىستىق اۋرۋحاناعا كوشىرىلگەن.
ء"بىز قوستاناي تۇرعىندارىن سابىر ساقتاۋعا شاقىرامىز. قازىر دارىگەرلەر كۇشەيتىلگەن رەجىمدە جۇمىس ىستەپ جاتىر. سىزدەر باس سانيتارلىق دارىگەردىڭ نۇسقاۋىن ورىنداۋ ارقىلى, بىزگە كوپ كومەك تيگىزەتىندەرىڭىزدى تۇسىنىڭىزدەر. جاسىرىن جيىن وتكىزۋدى, قوناققا بارۋدى, قوناق شاقىرۋدى قويىڭىزدار. ۇيدەن بەتالباتى شىقپاڭىزدار. جاقىندارىڭىزدى, تۋىس-تۋعاندارىڭىزدى قورعاڭىزدار", - دەپ حابارلادى باسقارمانىڭ ءباسپاسوز قىزمەتى.
قوستاناي وبلىسى
