ءبىر جىل ىشىندە بۇل كورسەتكىش 5,8 پايىز قىسقاردى, ال جاستار اراسىنداعى جۇمىسسىزدىق دەڭگەيى 3,8 پايىزعا دەيىن ازايدى ء(بىر جىل بۇرىن – 3,9%).
سونىمەن قاتار, 15-28 جاس ارالىعىنداعى جاستاردىڭ باسىم بولىگى الماتىدا (15,7 مىڭ ادام), الماتى وبلىسىندا (7,7 مىڭ ادام) جانە تۇركىستان وبلىسىندا (6,4 مىڭ ادام) جۇمىس ىزدەۋدە. ءوز كەزەگىندە 15-28 جاس ارالىعىنداعى جۇمىسپەن قامتىلعان جاستاردىڭ سانى 2020 جىلدىڭ ءبىرىنشى توقسانىندا 2 ملن ادامدى قۇرادى, بۇل وتكەن جىلدىڭ سايكەس كەزەڭىمەن (2,1 ملن ادام) سالىستىرعاندا 3,2% قىسقاردى. اسىرەسە, جامبىل (−22,4%), شىعىس قازاقستان (−13,9%) جانە اقتوبە (−11,3%) وبلىستارىندا ازايعان.
جالپى جۇمىسپەن قامتىلعان جاستاردىڭ ەڭ كوپ سانى الماتى وبلىسىندا – 247,7 مىڭ ادام. سونىمەن قاتار, العاشقى ۇشتىككە الماتى (245,8 مىڭ ادام) جانە تۇركىستان وبلىسى (175,5 مىڭ ادام) ەندى.
جۇمىسپەن قامتىلعان جاستاردىڭ كوپ بولىگى ساۋدا (365,9 مىڭ ادام نەمەسە جالپى ساننىڭ 18,1%), اۋىل شارۋاشىلىعى, ورمان جانە بالىق شارۋاشىلىعى (241,9 مىڭ ادام نەمەسە 12%) جانە ءبىلىم بەرۋ (232,7 مىڭ ادام نەمەسە 11,5%) سياقتى سالالاردا بەلسەندى جۇمىس ىستەيدى.
