اتالعان شاراعا اۋدان اكىمى سەرىك زاينۋلدين, كاسىپكەرلەر مەن ارداگەرلەر قاتىسى. بولاشاق زاۋىتتىڭ قازىعى قاعىلدى.
بىلەتىندەردىڭ ايتۋىنا قاراعاندا, بۇل جەردە بۇرىن ارتەزيان قۇدىعى بولعان كورىنەدى. الايدا كەيىنىرەك قۇدىقتىڭ كوزى جابىلىپ توقتاپ قالعان.
"ARNNA MINERALS" جاۋاپكەرشىلىگى شەكتەۋلى سەرىكتەستىگى وسى جەردەگى سۋ قورىن جانە ونىڭ ساپاسىن انىقتاپ, قۇدىق ورنىنا سۋدى وڭدەۋدەن وتكىزىپ, ىدىستارعا قۇيىپ شىعاراتىن زاۋىت سالۋدى ۇيعارعان. اۋدان اكىمدىگىنىڭ كومەگىمەن بۇل ىسكە ينۆەستيتسيالىق قارجى تارتا بىلگەن.
ايتا كەتۋ كەرەك, اتالعان شارا زايسان اۋدانىنىڭ اكىمى سەرىك ءزاينۋلديننىڭ وسى قىزمەتكە كىرىسكەنىنە ءجۇز كۇن تولۋىمەن تۇسپا تۇس كەلىپ وتىر. بۇرىن دا بىرنەشە اۋداندى باسقارىپ, كاسىپكەرلىكتى دامىتۋىمەن كوزگە تۇسكەن تاجىريبەلى اكىم كەلگەلى اۋداندا وسىنداي بيزنەستىك جوبالار قولعا الىنا باستاعان.
