بيىل قۇرلىق اسكەرلەرى اسكەري ينستيتۋتىن 390 لەيتەنانت ءتامامدادى. تۇلەكتەردىڭ اراسىندا ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ قارۋلى كۇشتەرى ءۇشىن اسكەري كادرلاردى بىرلەسىپ دايارلاۋ اياسىندا وقىعان قىرعىزستاننىڭ 8 جانە تاجىكستاننىڭ 10 وكىلى بار.
سالتاناتتى ءىس-شارا بارىسىندا الماتى قالاسىندا توتەنشە جاعداي جانە كارانتين رەجيمىن قامتاماسىز ەتۋ بويىنشا مىندەتتەردى ورىنداۋدا كاسىبيلىك پەن باتىلدىق تانىتقان تۇلەكتەر ماراپاتتالدى. لەيتەنانت مەيرامبەك نايسەكەنوۆكە ءىى دارەجەلى "ەل قورعانى" ۆەدومستۆولىق مەدالى, لەيتەنانتتار باقبەرگەن سىزدىق پەن الىبەك قىدىرعا اتاۋلى ساعاتتارمەن ماراپاتتالدى.
اۋە قورعانىسى كۇشتەرى اسكەري ينستيتۋتىندا "اسكەري مەديتسينا" ماماندىعى بويىنشا العاشقى 15 وفيتسەردىڭ ءبىتىرۋى ءوتتى. ۇشۋ جانە ينجەنەرلىك ماماندىقتار وفيتسەرلەرىنىڭ شىعارىلىمى ءداستۇرلى تۇردە قازان ايىندا وتەدى. ينستيتۋت جوعارى اسكەري-كاسىپتىك ءبىلىم بەرۋ باعدارلاماسى بويىنشا ءتورت ماماندىق جانە ون بىلىكتىلىك بويىنشا كادرلار دايىندايدى. جىل سايىن جوو 100-دەن استام وفيتسەر شىعارادى.
بيىل كادەت كورپۋسىن 216 سەرجانت اياقتادى. جىل سايىن اسكەري وقۋ ورنى كىشى كوماندالىق قۇرامن 200-دەن استام مامان ءتامامدايدى. 1996 جىلدان باستاپ كادەت كورپۋسى 2800-دەن استام كاسىبي سەرجانتتاردى دايىندادى.
