گۇلشارا ابدىقالىقوۆا باق قىزمەتكەرلەرىن كاسىبي مەرەكەسىمەن قۇتتىقتادى

ايماقتار • 26 ماۋسىم، 2020

گۇلشارا ابدىقالىقوۆا باق قىزمەتكەرلەرىن كاسىبي مەرەكەسىمەن قۇتتىقتادى

18 رەت كورسەتىلدى

قىزىلوردا وبلىسىنىڭ اكىمى گۇلشارا ابدىقالىقوۆا باق قىزمەتكەرلەرىن كاسىبي مەرەكەسىمەن قۇتتىقتادى، - دەپ حابارلايدى وبلىس اكىمدىگىنىڭ ءباسپاسوز قىزمەتى.

Egemen Qazaqstan

"سىزدەردى بۇگىنگى بۇقارالىق اقپارات قۇرالدارى قىزمەتكەرلەرى كۇنىمەن قۇتتىقتايمىن! ەلباسى نۇرسۇلتان ءابىش ۇلى نازارباەۆ "اقپاراتتىق سالا – قازىرگى زامانعى مادەنيەتتىڭ جاھاندىق جانە ناقتى ۇلتتىق ولشەمىندەگى بولىنبەس بولشەگى" - دەگەن بولاتىن. تەحنولوگيالاردىڭ قارىشتاپ دامۋى الەمدەگى اقپارات الماسۋ جىلدامدىعىن ەسەلەپ ارتتىرىپ، مەديا سالاداعى باسەكەلەستىككە اكەلدى، ءارى جۋرناليست ماماندىعىنا ايرىقشا جاۋاپكەرشىلىك جۇكتەدى.

قازىرگى قوعام ءۇشىن جۋرناليست جەدەلدىك پەن شىنايىلىقتى، يكەمدىلىك پەن بىلىكتىلىكتى بويىنا سىڭىرگەن، ماسەلەنى جان-جاقتى زەرتتەپ، تالداپ، كورەرمەن مەن وقىرمان نازارىنا ۇسىناتىن كاسىبي، امبەباپ مامان.

سىزدەر عالامدىق دامۋ كوشىنە ىلەسۋ ماقساتىمەن ەلىمىزدە جانە وڭىرىمىزدە جاسالىپ جاتقان تىڭ رەفورمالاردى حالىققا ءتۇسىندىرىپ، ناسيحاتتاۋ ارقىلى ايماعىمىزدىڭ دامۋىنا اقپاراتتىق قولداۋ كورسەتىپ كەلەسىزدەر.

مەملەكەت باسشىسى قاسىم-جومارت كەمەل ۇلى توقاەۆتىڭ تاپسىرماسىنا سايكەس بىلتىر ۇكىمەت قاۋلىسىمەن بۇقارالىق اقپارات قۇرالدارى قىزمەتكەرلەرىنىڭ كۇنى بەكىتىلدى.

توپىراعى كيەلى سىر ءوڭىرىن مەملەكەتشىل، حالىقشىل جۋرناليستەردىڭ التىن ۇستاحاناسى دەپ اتاساق، قاتەلەسپەيمىز. ايماق جۋرناليستيكاسىنىڭ قالىپتاسۋى مەن دامۋىنا ەلەۋلى ەڭبەك سىڭىرگەندەردىڭ اراسىنان اسقار توقماعانبەتوۆ، قالقاباي ابەنوۆ، مىرقى يساەۆ، ءنۇردىلدا ۋاليەۆ، ەۆگەني حان، احات جاناەۆ، ساحيتجان بەرماعانبەتوۆتى جانە ت.ب. اتاپ وتەر ەدىم.

پاندەميامەن كۇرەس كەزىندە قاۋىپ-قاتەردى ەلەمەستەن، حالىققا قاجەتتى اقپاراتتى دەر كەزىندە جەتكىزىپ، تىنباي اتقارعان قىزمەتتەرىڭىز ءۇشىن سىر ەلى حالقى اتىنان زور ريزاشىلىعىمدى بىلدىرەمىن.

ەل ءومىرىنىڭ ءاربىر جەتىستىگىن ءوز جەتىستىگىم دەپ ءبىلىپ، قيىندىعىنا جۇرەگىمەن بەرىلىپ، ءاربىر ءساتتى قالت جىبەرمەۋگە تىرىساتىن بارشا ءباسپاسوز، تەلەديدار، راديو، ينتەرنەت باسىلىمدارى قىزمەتكەرلەرىنىڭ ەڭبەگىنە شىعارماشىلىق تابىس تىلەيمىن.

جەتكىزەر جاقسىلىقتارىڭىز تاۋسىلماسىن، قالامدارىڭىز مۇقالماسىن! ەلىمىز تىنىش، جۇرتىمىز امان بولسىن! جاقىندارىڭىزعا جاناشىر ءبولىڭىز! بىز بىرگەمىز!" - دەلىنگەن گۇلشارا ابدىقالىقوۆانىڭ قۇتتىقتاۋىندا.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز