باق قىزمەتكەرلەرى كۇنىنە وراي وتكەن سالتاناتتى جيىندا مينيستر ايدا بالاەۆا "اقپارات سالاسىنىڭ ۇزدىگى" توسبەلگىسىن "قازاقستان" ۇلتتىق ارناسى ەفير ساياساتى انونس ءبولىمىنىڭ جەتەكشىسى ماقپال ۇكەنوۆاعا, "حابار 24" تەلەارناسى جاڭالىقتار ءبولىمىنىڭ ءتىلشىسى قانات بازىلحانوۆقا, "ايقىن" گازەتىنىڭ ءفوتوتىلشىسى ايتجان مۇرزانوۆقا "كازاحستانسكايا پراۆدا" گازەتى سپورت ءبولىمىنىڭ رەداكتورى اسقار بەيسەنباەۆقا, سونداي-اق قازمەديا ورتالىعى باس ديرەكتورىنىڭ ورىنباسارى رايحان ابدەشەۆاعا تابىستادى.
"اقپارات سالاسىنىڭ ۇزدىگى" توسبەلگىسىمەن باق وكىلدەرى ماراپاتتالادى. بۇل رەتتە وتاندىق جۋرناليستيكانىڭ دامۋىنا ۇلەس قوسقان جانە ەڭبەك ءوتىلى 30 جىلدان اسقان شىن كاسىبي ماماندار قامتىلادى. كاسىبي مەرەكەگە وراي بۇقارالىق اقپارات قۇرالدارى سالاسىنىڭ 55 قىزمەتكەرى ەرەكشە توسبەلگى يەسى اتاندى.
ەسكە سالا كەتەيىك, بۇعان دەيىن بەيسەن قۇرانبەك اتىنداعى "جىگەر" سىيلىعىنىڭ لاۋرەاتتارى انىقتالعانىن حابارلاعان ەدىك.
