ءوڭىردىڭ تۋريستىك الەۋەتىن دامىتۋدا اتالعان جوبانىڭ ماڭىزى زور.
جول وتكەن عاسىردىڭ 70-ءشى جىلدارىندا سالىنعان بولاتىن. ونى قايتا جاڭارتۋ جۇمىستارى 2018 جىلعا دەيىن مۇلدە جۇرگىزىلمەگەن. جۇمىستاردى "CITIC Construction Co." كومپانياسى, "ابك اۆتودور نس" جانە "قىران" جشس جۇزەگە اسىرۋدا. جوبا اياسىنداعى جۇمىستارعا 2 مىڭ ادام مەن تەحنيكانىڭ 800 بىرلىگى جۇمىلدىرىلعان.
قازىرگى كەزدە قۇرىلىس-مونتاجداۋ جۇمىستارى جوعارى قارقىنمەن جۇرگىزىلىپ جاتىر. مەردىگەر كومپانيالار اسفالت-بەتون جابىندىسىن توسەۋدە. اۆتوموبيل جولىنىڭ تولىق بويىندا قوزعالىس بيىلدىڭ وزىندە اشىلادى دەپ جوسپارلانعان.
اۆتوموبيل جولى 2021 جىلى قايتا جاڭارتۋ جۇمىستارىنان وتكەن سوڭ, ءىى تەحنيكالىق ساناتتاعى جولعا سايكەستەندىرىلمەك. وسىلايشا, قازاقستاندىقتار تالدىقورعاننان الاكولگە ءۇش ساعاتتا جەتە الاتىن بولادى. اۆتوموبيل جولدارى سالاسىنداعى "تالدىقورعان – ءۇشارال – الاكول" جوباسى الماتى وبلىسىنىڭ عانا ەمەس, جالپى قازاقستاننىڭ ەكونوميكالىق جانە تۋريستىك الەۋەتىن دامىتۋعا قاراي جاسالاتىن جاڭا قادام بولماق.
