قوعام • 25 ماۋسىم، 2020

بيىل 1،2 ملن ادام جۇمىسپەن قامتىلادى - مينيستر

40 رەت كورسەتىلدى

ءارتۇرلى مەملەكەتتىك باعدارلامالاردى ىسكە اسىرۋ اياسىندا 2020 جىلى جۇمىسپەن قامتۋعا جاردەمدەسۋ شارالارىنا 1 ميلليون 220 مىڭ قازاقستاندىقتى تارتۋ جوسپارلانۋدا. بۇل تۋرالى پرەزيدەنت جانىنداعى ورتالىق كوممۋنيكاتسيالار قىزمەتىندە ونلاين رەجيمىندە وتكەن حالىققا ەسەپ بەرۋ كەزدەسۋى بارىسىندا ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، - دەپ حابارلايدى Egemen.kz.

ەڭبەكمينىنىڭ باسشىسى اعىمداعى جىلعى ءبىرىنشى توقسان قورىتىندىسى بويىنشا ەكونوميكادا جۇمىسپەن قامتىلعانداردىڭ سانى 8،8 ملن ادامدى، جۇمىسسىزدىق دەڭگەيى 4،8%-دى قۇراعانىن اتاپ ءوتتى. 

ناۋرىز-ءساۋىر ايلارىندا كارانتيندىك شارالاردىڭ ەنگىزىلۋىنە بايلانىستى 4،2 ميلليون قازاقستاندىق ۋاقىتشا جۇمىستان بوساتىلدى.

"كارانتيندىك شارالاردى جەڭىلدەتۋ ۇستىمىزدەگى جىلدىڭ 20 ساۋىرىندە باستالدى، بۇل كەزەڭ-كەزەڭىمەن جۇمىسقا ورالۋعا مۇمكىندىك بەردى. ۇكىمەت جۇمىسپەن قامتۋعا كوڭىل ءبولىپ، ەكونوميكانى قالپىنا كەلتىرۋ بويىنشا قابىلداپ وتىرعان شارالار اعىمداعى جىلدىڭ شىلدە ايىنان باستاپ ەڭبەك نارىعىنداعى جاعدايدى تۇراقتاندىرادى دەپ ەسەپتەيمىز"، - دەدى ءبىرجان نۇرىمبەتوۆ. 

ءمينيستردىڭ ايتۋىنشا، جىل سوڭىندا كۇتىلەتىن جۇمىسسىزدىق دەڭگەيى 6،1% بولۋى مۇمكىن. 

وسى ورايدا، ول وسى جىلى جۇمىسپەن قامتۋعا جاردەمدەسۋ شارالارىنا 1 ميلليون 220 مىڭ ادامدى تارتۋ جوسپارلانىپ وتىرعانىن اتاپ ءوتتى.

"ازاماتتاردىڭ كوبى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ "ەڭبەك" مەملەكەتتىك باعدارلاماسىن ىسكە اسىرۋ شەڭبەرىندە  – 600 مىڭ ادام، جۇمىسپەن قامتۋدىڭ جول كارتاسى شەڭبەرىندە – 255 مىڭ ادام، باسقا مەملەكەتتىك باعدارلامالار بويىنشا (نۇرلى جول، نۇرلى جەر، 2020-2025 جىلدارعا ارنالعان يدمب جانە ت.ب.) – 364 مىڭ ادام جۇمىسپەن قامتىلادى"، - دەدى ءبىرجان نۇرىمبەتوۆ.

ءمينيستردىڭ ايتۋىنشا، 1 ماۋسىمداعى جاعداي بويىنشا 224 مىڭنان استام ادام "ەڭبەك" مەملەكەتتىك باعدارلاماسىنا قاتىسىپ، ولاردىڭ 185 مىڭى جۇمىسقا ورنالاستىرىلدى. مەملەكەتتىك قولداۋ شارالارى اياسىندا بوس جۇمىس ورىندارىنا 99 مىڭ ادام; قوعامدىق جۇمىستارعا – 62 مىڭ; الەۋمەتتىك جۇمىس ورىندارىنا – 13 مىڭ; جاستار پراكتيكاسى بويىنشا – 11 مىڭ ورنالاستىرىلدى.

جۇمىسپەن قامتۋدىڭ جول كارتاسى اياسىندا (بۇدان ءارى – جقجك) 255 مىڭ جۇمىس ورنىن قۇرۋعا مۇمكىندىك بەرەتىن 6505 ينفراقۇرىلىمدىق جوبا كوزدەلگەن، ونىڭ 15 مىڭى تۇراقتى نىسانداردا. جقجك ينفراقۇرىلىمدىق جوبالارىن ىسكە اسىرۋدىڭ ەرەكشە شارتى – بۇل وتاندىق وندىرۋشىلەردىڭ تاۋارلارى مەن قىزمەتتەرىنىڭ كەم دەگەندە 90%-ىن پايدالانۋدى قامتاماسىز ەتۋ. جۇمىسشىلاردىڭ كەم دەگەندە 50%-ى جۇمىسپەن قامتۋ ورتالىقتارى ارقىلى جۇمىسقا قابىلدانادى. 

جقجك ىسكە اسىرۋ بولاشاقتا ارالاس سالالاردا 100 مىڭنان استام تۇراقتى جۇمىس ورىندارىن قۇرۋعا نەگىز بولادى.

سوڭعى جاڭالىقتار

«نورۆەگ ورمانى» نەگە جازىلدى؟

ادەبيەت • بۇگىن، 22:30

ولكەتانۋشى

قازاقستان • بۇگىن، 22:21

كەبەنەك

تاريح • بۇگىن، 22:19

تۇركيا تىم ۇزاپ كەتتى

سپورت • بۇگىن، 22:12

ساۋكەلە

ونەر • بۇگىن، 21:57

جەتى وڭىردە 2 گرادۋس ۇسىك جۇرەدى

اۋا رايى • بۇگىن، 18:48

دوللار ارزاندادى

ەكونوميكا • بۇگىن، 15:50

ۇقساس جاڭالىقتار