"كۆي جۇقتىرعاندار جانە پنەۆمونياسى اسقىنعان ناۋقاستاردىڭ كوبەيۋىنە بايلانىستى قالادا قوسىمشا ينفەكتسيالىق توسەك-ورىندارى دايىندالدى. بۇرىن 80 جاعداي بولاتىن. ال قازىر اپتاسىنا 8,5 ەسەگە دەيىن جوعارىلاۋى بايقالىپ وتىر", دەدى س. قيسىقوۆا.
ونىڭ ايتۋىنشا, 12 ماۋسىمنان باستاپ نۇر-سۇلتان قالاسىنداعى مەديتسينالىق ۇيىمداردىڭ توسەك ورنى قورىن قايتا قۇرۋعا بايلانىستى جۇقپالى جانە پروۆيزورلىق اۋرۋحانالارداعى توسەك ورنى سانى 1351 ورىنعا كوبەيتىلدى.
"تەك سوڭعى 3 كۇندە قوسىمشا 830 توسەك دايىندالدى. ونىڭ ىشىندە بۇگىن ۇلتتىق عىلىمي مەديتسينالىق ورتالىقتىڭ بازاسىندا تاعى 200 ينفەكتسيالىق توسەك دايىندالادى. سونىمەن بۇگىندە كوروناۆيرۋس ينفەكتسياسىمەن كۇرەسۋگە 3 135 توسەك ورىندىق 12 دەنساۋلىق ساقتاۋ ۇيىمى جۇمىلدىرىلدى", دەدى باسقارما باسشىسى.
