"مەنىڭ تۇلعا رەتىندە قالىپتاسۋىم وتباسىمدا باستالدى. اتا-انام ماعان سىن-قاتەرلەردى قابىلداپ, قورقىنىش جانە كەمشىلىكتەرمەن كۇرەسۋ ءۇشىن قولىمنان كەلگەننىڭ بارلىعىن جاساۋ كەرەك دەپ تاربيەلەدى. بالا كەزىمنەن باستاپ انام مەن اكەم ماعان ءاردايىم باسەكەلەستىك سەزىمىمدى جوعالتپاۋدى, ءبىرىنشى كەزەكتە وزىممەن كۇرەسۋدى, ارقاشان جوعارى دەڭگەيگە شىعۋعا ۇمتىلۋدى ۇيرەتتى. ال ومىرلىك جاعدايلار اتا-انامنىڭ ماعان ۇيرەتكەن داعدىلارىن دامىتۋعا, مەنىڭ جەكە باسىمنىڭ قالىپتاسۋىنا جانە كىم بولعىم كەلەتىنىن تۇسىنۋگە مۇمكىندىك بەرگەن سەرپىن بەرەر شارت بولعانداي", دەيدى بالنۇر.
بويجەتكەن ورىس, قازاق, فرانتسۋز, اعىلشىن جانە تۇرىك تىلدەرىن مەڭگەرگەن. ونى ەكونوميكا, الەۋمەتتانۋ جانە جاراتىلىستانۋ عىلىمدارى قىزىقتىرادى.
"شەتەلدىك ۋنيۆەرسيتەتتەر بولاشاق ستۋدەنتتەردىڭ وزىندىك دامۋىنا, موتيۆاتسياسىنا, ىشكى سيپاتى مەن دۇنيەتانىمىنا ۇلكەن ءمان بەرەدى. مەنىڭ موتيۆاتسيالىق حاتىمدى وقىپ, ولار تاڭ قالدى. بەس ءتىلدى بىلۋدەن باسقا, مەن filmmaking and photography-مەن, سونداي-اق ەكولوگيالىق جوبالارمەن اينالىسامىن, ماتەماتيكا بويىنشا وليمپيادالارعا قاتىستىم. مەنىڭ اينالىساتىن جانە وقيتىن دارىستەرىمنىڭ ءتىزىمى اۋقىمدى. وقۋدان تىس ساباقتار مەن قىزىعۋشىلىقتار مەنىڭ دارالىعىمدى اشادى. ۋنيۆەرسيتەتتەر تۇلعا رەتىندە قالىپتاسىپ كەلە جاتقان جاستاردى ىزدەيدى. مەندە ارماندارىمدى جۇزەگە اسىرۋ ءۇشىن جەتكىلىكتى كۇش, ءبىلىم جانە مۇمكىندىكتەر بولۋىن قالايمىن. بولاشاقتا ءوز بيزنەس-جوبالارىمدى جۇزەگە اسىرعىم كەلەدى", دەدى بالنۇر تۋلەنوۆا.
10-شى سىنىپتا ول حالىقارالىق ەمتيحان تاپسىرىپ, ناتيجەلەرىن الەمنىڭ ءتۇرلى ەلدەرىنىڭ ۋنيۆەرسيتەتتەرىنىڭ جالپى بازاسىنا جىبەرگەن. كوپ كۇتپەستەن وعان وقۋعا شاقىرۋ كەلدى.
بالنۇر رود-ايلەند شتاتىنىڭ ۋنيۆەرسيتەتىنە توقتالدى. بۇل وقۋ ورداسىندا ءبىلىم الۋ قۇنى جىلىنا 80 مىڭ اقش دوللارىنا دەيىن تۇرادى. ءساتتى تاپسىرىلعان ەمتيحاندار قاراعاندىلىق تۇلەككە تەگىن وقۋعا مۇمكىندىك بەرەدى.
ءبىلىم الىپ, بالنۇر حالىقارالىق كومپانيالاردا جۇمىس تاجىريبەسىن جيناقتاۋدى جوسپارلاپ وتىر. سودان كەيىن ءوز ءىسىن اشىپ, ەل ەكونوميكاسىن قولداۋ ءۇشىن قازاقستانعا ورالماق.
