ايماقتار • 24 ماۋسىم، 2020

23 جىلدا نۇر-سۇلتان حالقى ءۇش ەسە ءوستى

97 رەت كورسەتىلدى

جيىرما جىلدان استام ۋاقىت ىشىندە قالا كوپتەگەن الەم استانالارىن، سونىڭ ىشىندە ۆاشينگتوندى باسىپ وزىپ، "ميلليونەرگە" اينالدى، دەپ حابارلايدى قالا اكىمدىگىنىڭ رەسمي سايتى.

1997 جىلعا دەيىن سول كەزدەگى تسەلينوگراد، كەيىنىرەك اقمولا 300 مىڭنان استام ادام تۇراتىن وبلىس ورتالىعى بولدى. دەموگرافيالىق كورسەتكىش قالا قازاقستاننىڭ جاڭا استاناسى بولعاننان كەيىن كۇرت ءوستى.

23 جىل ىشىندە حالىق سانى ءۇش ەسە ءوسىپ، 2020 جىلدىڭ مامىر ايىندا 1 149 947 ادامعا جەتتى. وسىلايشا، ءوسىم 849،442 ادامدى قۇرادى.

1999 جىلدىڭ باسىندا قالادا ءبىر جاستاعى بالا سانى 3 853، ال عاسىر جاساعان سەگىز ادام عانا بولدى. بۇگىنگى تاڭدا ەلوردا تۇرعىندارىنىڭ ەڭ ۇلكەن كونتينگەنتى ءبىر جاستاعى بالا سانى – 29 516، ال عاسىردان ۇزاق جاساعاندار سانى جۇزدەن اسادى.

سوڭعى جىلدارى قازاقستاننىڭ باس قالاسى تۇرعىندار سانى بويىنشا الەم استانالارىنىڭ كوبىن، ونىڭ ىشىندە ۆاشينگتوندى (705 مىڭ ادام) باسىپ وزدى.

"1999، 2000، 2001 جىلدارى قالا حالقىنىڭ ءوسۋى جىل سايىن 50 مىڭعا جۋىق ادامدى قۇرادى. مۇنى رەكوردتىق كورسەتكىشتەردىڭ ءبىرى دەپ ايتۋعا بولادى. بۇل ىشكى كوشى-قونعا دا، تابيعي وسىمگە دە بايلانىستى. بىراق ناعىز ءدۇمپۋ 2016 جىلى بولدى: سودان كەيىن قالا حالقى بىردەن ءجۇز مىڭ ادامعا كوبەيدى"، دەدى نۇر-سۇلتان قالالىق ستاتيستيكا باسقارماسى.

سونىمەن قاتار ستاتيستيكاعا سۇيەنسەك، رەسپۋبليكامىزدىڭ استاناسىندا ەرلەرگە قاراعاندا ايەلدەر از. وسى جىلدىڭ مامىر ايىنىڭ باسىنا قالادا 598 009 ايەل جانە 551 938 ەر ادام تۇرادى. ەڭ تىعىز قونىستانعان اۋدان – سارىارقا، وندا 340 مىڭنان استام ادام تۇرادى. ودان كەيىن الماتى اۋدانى – 299 مىڭ، ەسىل اۋدانى – 272 مىڭ جانە بايقوڭىر – 237 مىڭ ادام. قازاقستاندا استانا كۇنى 6 شىلدەدە تويلانادى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار