40 وبەكتىگە از مولشەردەگى زاقىم كەلگەن, قالعان 11-ءى ورتاشا جانە تورتەۋى قاتتى زارداپ شەككەن. سونىڭ ىشىندە بىرنەشە مۇراجاي, سوبور, حرامدار مەن ارحەولوگيالىق ايماقتار كىرەدى.
بۇدان بولەك, جەر سىلكىنىسىنىڭ ەپيتسەنترى واحاكا شتاتىنداعى كرۋزەسيت قالاسىنان وڭتۇستىككە قاراي 23 شاقىرىم جەردە بولدى. ۇلتتىق سەيسمولوگيالىق قىزمەتتىڭ مالىمەتى بويىنشا, جەرگىلىكتى ۋاقىت بويىنشا 14.30-عا دەيىن 447 قايتالانعان سىلكىنىستەر تىركەلگەن. ولاردىڭ ەڭ قۋاتتىسى 4,6 بالل بولعان.
جەر سىلكىنىسى ەلدىڭ 11 شتاتىندا سەزىلدى, سونىڭ ون شاقتىسى − چياپاس, گەررەرو, مورەلوس, تاباسكو, ۆەراكرۋس, پۋەبلا, ميچواكان, تلاسكالا, حيدالگو جانە مەحيكو سياقتى قالالارى ايتارلىقتاي زارداپ شەككەن جوق.
سونىمەن بىرگە ازاماتتىق قورعانىستىڭ ۇلتتىق باسقارماسى حابارلاعانداي, 30 ادام ءتۇرلى جاراقات العان. سوڭعى مالىمەتتەر بويىنشا جەر سىلكىنىسى سالدارىنان التى ادام قازا تاپقان. بارلىق ءولىم-ءجىتىم واحاكا شتاتىندا تىركەلگەن.
