ايماقتار • 24 ماۋسىم، 2020

بەينەۋگە 18 پوليتسيا قىزمەتكەرى كومەككە كەلدى

630 رەت كورسەتىلدى

اۋدان اكىمى بەينەۋبەك ءابىلوۆ تج مەن كارانتين كەزىندە اتقارىلعان جۇمىستار جايلى باياندادى. بۇل تۋرالى ماڭعىستاۋ وبلىسى قوعامدىق كوممۋنيكاتسيا ورتالىعىنىڭ ءباسپاسوز قىزمەتىنە سىلتەمە جاساي وتىرىپ Egemen.kz حابارلايدى.

وبلىس بويىنشا العاش بولىپ بەينەۋلىك ەرىكتى جاستار بەتپەردە تىگۋدى قولعا الدى. اۋدانداعى مەكەمە، كاسىپورىن قىزمەتكەرلەرىنىڭ جانە جەكە كاسىپكەرلەردىڭ قولداۋىمەن ەرىكتىلەر مەن اۋدانداعى تىگىن شەبەرحانالارى 85 000-عا جۋىق بەتپەردە تىككەن. سونىڭ 25 000-نان استامى مۇمكىندىگى شەكتەۋلى بالالارعا، اتاۋلى الەۋمەتتىك كومەك الاتىن، از قامتىلعان كوپبالالى وتباسىلارعا جانە قىزمەت كورسەتىپ وتىرعان كاسىپورىندارعا (حقو، بانك، كوشە تازالىعىن ساقتايتىن ادامدارعا، پوليتسيا جانە قورعانىس سالاسىنىڭ قىزمەتكەرلەرىنە) تەگىن تاراتىلدى. 59 000 دانا بەتپەردە اۋدانداعى دارىحانالارعا تاپسىرىلىپ، تومەن باعادا تۇرعىندارعا ساتىلعان.
 
22 مامىردان باستاپ اۋدانداعى كاسىپكەرلىك نىساندارعا مونيتورينگ جۇمىستارى جۇرگىزىلدى. توتەنشە جاعداي كەزىندەگى كورسەتىلگەن مەملەكەتتىك كومەك تۋرالى اقپاراتتار تىزبەسى مىناداي:
 
• اۋدانىمىزدا حالىقتىڭ الەۋمەتتىك جاعىنان وسال توپتارىنا جاتاتىن 7 651 ادام بار. بەلگىلەنگەن كاتەگوريالارعا سايكەس 15 مىڭ تەڭگەگە كوممۋنالدىق تولەمدەرگە رەسپۋبليكالىق بيۋدجەتتەن قارجى جۇمسالدى. قازىرگى تاڭدا 3 650 تۇرعىننىڭ دەربەس شوتتارى تىركەلىپ، 109،5 ملن تەڭگە قارجى مامىر ايىندا اۋدارىلدى. ماۋسىم ايىندا 2 300 تۇرعىننىڭ دەربەس شوتتارى ناقتىلانىپ، ءتيىستى قارجىسى تولىعىمەن اۋدارىلاتىن بولادى.
 
• توتەنشە جاعداي كەزىندە تابىسىنان ايرىلعان ازاماتتارعا تيەسىلى 42 500 تەڭگە كومەگىنە قاتىستى اۋدان بويىنشا ءساۋىر ايىندا 13 936 ادامعا تولەندى، مامىر ايىندا 9 974 ادامعا تولەندى جانە 8 615 ادامنىڭ ءوتىنىشى ارنايى بازا ارقىلى تەكسەرىلىپ، ءتيىستى ەمەس ەكەنى انىقتالدى.
 
• اۋدان بويىنشا توتەنشە جاعداي ەنگىزىلگەلى Nur Otan پارتياسىنىڭ باستاماسىمەن ء«بىز بىرگەمىز!» اكتسياسى اياسىندا 828 وتباسىعا جالپى سوماسى 25 371 440 تەڭگەگە ازىق-ت ۇلىك جانە گيگيەنا قۇرالدارى بەرىلدى.
 
• 4 كاتەگورياعا سايكەس (اسىراۋشىسىنان ايىرىلعان جەتىم، ااك الۋشى، مۇگەدەك بالاعا قاراۋشى، I توپ مۇگەدەكتەرى) ياعني 1718 ازاماتقا 50 مىڭ تەڭگە اۋدارىلىپ، جالپى سوماسى 85 900 000 تەڭگە مولشەرىندە ءبىر جولعى كومەك كورسەتىلدى.
 
• ودان بولەك اۋداننىڭ 2 201 ادامنان تۇراتىن 381 وتباسىنا اتاۋلى الەۋمەتتىك كومەك تولەنىپ كەلەدى.
كارانتيندى ساقتاۋ ەرەجەلەرىنە كەلەتىن بولساق 19 ناۋرىزدان باستاپ 1 ماۋسىمعا دەيىن اۋدان اۋماعىندا 3 بلوك-بەكەت (بەينەۋ، بورانقۇل، تاجەن) قىزمەت كورسەتتى.
 
9 ماۋسىمنان باستاپ كارانتين رەجيمىندەگى شەكتەۋ شارالارىن بوساڭسىتۋ ماسەلەسى اكىمدىك ۇسىنىسىمەن قايتا قارالىپ، تۇرعىنداردىڭ ءجۇرۋ ۋاقىتى ساعات 08:00-22:00 ارالىعى بولىپ، 30 ورىنعا دەيىنگى قوعامدىق تاماقتانۋ ورىندارى اشىلدى. بازارلار مەن وزگە دە دۇكەندەر ساعات 10:00-17:00 ارالىعىندا جانە الدىن الا جازىلۋ بويىنشا مەديتسينالىق ورتالىقتار، سۇلۋلىق سالوندارى مەن شاشتارازداردىڭ جۇمىس جاساۋىنا رۇقسات ەتىلدى.
 
قازىرگى اۋدانداعى ەپيدەميالىق جاعدايدىڭ تۇراقسىزدىعىنا بايلانىستى جانە وبلىستىق جەدەل شتابتىڭ حاتتامالىق تاپسىرماسى نەگىزىندە ماڭعىستاۋ وبلىسىنىڭ باس مەملەكەتتىك سانيتار دارىگەرى سىدىمانوۆ ەرعالي جاقسىبەك ۇلىنىڭ 17 ماۋسىمداعى №29 قاۋلىسىنا سايكەس اۋدان اۋماعىندا شەكتەۋ شارالارى قايتا قارالىپ، قوسىمشا شەكتەۋلەر ەنگىزىلدى.
 
اۋدان اۋماعىنداعى اۋىلداردىڭ كىرە بەرىس جولدارىنا جىلجىمالى موبيلدىك بەكەتتەر قويىلىپ، اۋىلداردان نەگىزسىز حالىقتىڭ شىعۋىنا شەكتەۋ قويىلدى.
 
اۋىلىشىلىك موبيلدىك توپتار قۇرىلىپ، وتباسىلىق جيىندار، ءدىني راسىمدەر مەن وزگە دە شارالارعا شەكتەۋ قويىلدى.
 
بەينەۋ اۋىلىنا وزگە اۋىلداردان ازىق-ت ۇلىك ءۇشىن كىرۋ جانە شىعۋ ۋاقىتى ساعات 14:00-18:00 ارالىعى بولىپ بەكىتىلدى.
 
اۋدانداعى پوليتسيا قىزمەتكەرلەرىنىڭ جەتىسپەۋىنە بايلانىستى وبلىستان ارنايى 18 پوليتسيا قىزمەتكەرلەرى شەكتەۋلەردى ىسكە اسىرۋعا جالپى قوعامدىق ءتارتىپتى ساقتاۋعا كومەككە كەلدى. اۋدانداعى 10 اۋىلدىق ەلدى مەكەننىڭ كىرە بەرىسىنە باقىلاۋ بەكەتتەرى قويىلدى. حالىقتىڭ نەگىزسىز شىعۋىنا شەكتەۋ قويىلدى.
سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

شەكارانى بۇكىل ەل قورعايدى

قوعام • 02 جەلتوقسان، 2022

ۇقساس جاڭالىقتار