ەڭبەكتەرى ەلەنگەن 172 مەملەكەتتىك قىزمەتشىنىڭ قاتارىندا دارىگەرلەر مەن مەدبيكەلەر, پوليتسيا قىزمەتكەرلەرى, ۆولونتەرلەر, مەتسەناتتار, جۋرناليستەر, مادەنيەت جانە ونەر سالاسىنىڭ وكىلدەرى بولدى.
ماراپاتتاۋ سالتاناتىنا كارانتيندىك تالاپتارعا بايلانىستى سانى شەكتەلگەن از عانا توپ قاتىستى. ال ماراپاتتالۋشىلاردىڭ قالعانىنا جاڭا مەدال جۇمىس ورىندارىنا نەمەسە ۇيلەرىنە جەتكىزىلىپ بەرىلدى.
سالتاناتتى ءىس-شارادا وبلىس اكىمى مەملەكەتتىك قىزمەتشىلەرگە ازاماتتىق ۇستانىم مەن باتىلدىقتارى جانە قوعام ماسەلەلەرىنە نەمقۇرايدى بولماعاندارى ءۇشىن العىس ايتتى.
"قاراعاندىلىقتار قاشاندا ۇيىمشىل ەكەندىكتەرىن تاعى ءبىر مارتە كورسەتتى. ءبىزدىڭ ارامىزدا قيىن ساتتەردە كومەككە كەلۋگە دايىن ادامدار از ەمەس. مەن ولاردىڭ ارقايسىنا ريزاشىلىق سەزىمىن بىلدىرگىم كەلەدى. نەگىزگى اۋىر جۇك مەديتسينا قىزمەتكەرلەرىنىڭ يىعىنا ءتۇستى. ءبىز ولاردىڭ جۇمىسىن جەڭىلدەتۋ ءۇشىن قولدان كەلگەننىڭ ءبارىن جاساۋعا تىرىسامىز. قالىپتى تىرلىگىمىزگە تەزدەتىپ قايتا ورالۋىمىز ءبىزدىڭ ارقايسىمىزدىڭ ءىس-ارەكەتىمىزگە بايلانىستى بولماق", دەپ اتاپ ءوتتى جەڭىس قاسىمبەك.
قاراعاندى وبلىسى
