ايماقتار • 23 ماۋسىم، 2020

الماتىلىق جەدەل شتاب تۇرعىنداردى ارانداتۋشى سوزدەرگە ەرمەۋگە شاقىردى

33 رەت كورسەتىلدى

الماتى قالاسىندا كوروناۆيرۋس ينفەكتسياسىنىڭ تارالۋىن بولدىرماۋ جونىندەگى كوميسسيا كوروناۆيرۋس ينفەكتسياسىن انىقتاۋعا ارنالعان تەست تاپسىرۋ بارىسىندا رەاگەنتتەردەن اۋرۋ جۇعۋ قاۋپى جوق دەپ رەسمي تۇردە حابارلادى، - دەپ جازادى Egemen.kz

الەۋمەتتىك جەلىلەر مەن مەسسەندجەرلەردە تارالىپ جاتقان الماتىدا ورىن العان، اۋرۋ جۇعىپتى-مىس دەگەن اقپارات شىندىققا جاناسپايدى.

"كوروناۆيرۋس ينفەكتسياسىنا تەست تاپسىرۋ كەزىندە تەك سەرتيفيكاتتالعان رەاگەنتتەر پايدالانىلادى. كوروناۆيرۋستى دياگنوستيكالاۋ ماسەلەسى ەرەكشە باقىلاۋعا الىنعان. ءبىز پروۆوكاتسيا مەن الىپ-قاشپا اڭگىمەلەردىڭ سوڭىندا كەتپەي، رەسمي اقپارات كوزدەرىنە جۇگىنۋدى سۇرايمىز"،- دەپ اتاپ ءوتتى كوميسسيا توراعاسى، الماتى قالاسى اكىمىنىڭ ورىنباسارى ەرجان باباقۇماروۆ.

قازىرگى ۋاقىتتا الماتى قالاسىندا COVID-19-دى انىقتاۋ تەستىن جۇرگىزەتىن 7 زەرتحانا (ۇلتتىق ساراپتاما ورتالىعى، سانيتارلىق-ەپيدەميولوگيالىق ساراپتاۋ جانە مونيتورينگ عىلىمي-پراكتيكالىق ورتالىعى، م.ايقىمباەۆ اتىنداعى اسا قاۋىپتى ينفەكتسيالار ۇلتتىق عىلىمي ورتالىعى، ورتالىق رەفەرەنس-زەرتحانا، Medical Partners Korea Clinic قازاقستاندىق-كورەيلىك كلينيكاسى، "وليمپ" كدز، "اتاكەنت" قىقو اۋماعىنداعى ءمودۋلدى كەشەن) قىزمەت ەتىپ جاتىر.

ساراپتاما تاپسىرۋدىڭ بارلىق پۋنكتتەرىندە وسى باعىتتاعى جۇمىستاردى رەتتەيتىن سانيتارلىق ەرەجەلەردىڭ تالاپتارى ساقتالادى، قىزمەتكەرلەردىڭ بيولوگيالىق قاۋىپسىزدىكتى قاتاڭ ساقتانۋى بارلىق جۇرگىزىلەتىن پروتسەدۋرانىڭ كەپىلى بولىپ تابىلادى. ءوز كەزەگىندە، تەست جۇرگىزۋ ءۇشىن پايدالانىلاتىن رەاگەنتتەر تەكسەرۋدىڭ بارلىق كەزەڭدەرىنەن ءوتتى، سونىڭ ناتيجەسى بويىنشا، جۇمىستا ونى تەك قر-دا عانا ەمەس، بۇكىل ءالىم بويىنشا قولدانۋعا رۇقسات ەتىلگەن. تاڭداپ الۋ ستەريلدى، ءبىر رەتتىك ماتەريالمەن (زوندتارمەن) جاسالادى، ولار پايدالانىلعاننان كەيىن بەلگىلەنگەن ەرەجەلەر سايكەس پايداعا (كادەگە) اسىرىلادى. قايتادان پايدالانۋعا جول بەرىلمەيدى.

قازاقستان رەسپۋبليكاسىنىڭ باس مەملەكەتتىك سانيتار دارىگەرىنىڭ قاۋلىسىنا سايكەس، رەفەرەنس-زەرتحانالاردىڭ ماماندارىمەن جاسالىپ جاتقان زەرتتەۋلەردىڭ مونيتورينگتىك باقىلاۋى (ۆيزيتى) جۇرگىزىلۋدە.

كوميسسيا ءوز تاراپىنان COVID-19-عا تەكسەرۋ بويىنشا حالىققا قىزمەت كورسەتەتىن جەكەمەنشىك زەرتحانالاردىڭ باسشىلارىن كارانتيندى كۇشەيتۋ كەزىندەگى شارالاردى ۇيىمداستىرۋ مەن باقىلاۋ تۋرالى: ماسكا تاعۋ رەجيمىنىڭ، كەزەكتە الەۋمەتتىك قاشىقتىقتىڭ، ناۋقاستاردىڭ الدىن الا جازىلۋى، زەرتتەۋ جۇرگىزۋ ءۇشىن قان تاپسىرۋ كولەمىن ءبولۋدى قوسىمشا ەسكەرتەدى.

سوڭعى جاڭالىقتار

پاگانيني

ونەر • كەشە

وتىز جىلدىققا وي قورىتقان

قازاقستان • كەشە

ۇقساس جاڭالىقتار