"قۇرمەتتى پوليتسيا قىزمەتكەرلەرى! قادىرلى ىشكى ىستەر ورگاندارىنىڭ ارداگەرلەرى!
سىزدەردى قازاقستاندىق پوليتسيا كۇنىمەن شىن جۇرەكتەن قۇتتىقتايمىن!
⠀
سىزدەر قيىن ءارى قاۋىپتى كاسىپتى تاڭدادىڭىزدار. ءار كۇندەرىڭىز قاۋىپكە تولى جانە ۇلگىلى وزىندىك ءتارتىپتى تالاپ ەتەدى. ويتكەنى سىزدەردىڭ ميسسيالارىڭىز قىلمىسپەن جانە زاڭ بۇزۋشىلىقتارمەن كۇرەسۋ عانا ەمەس, سونداي-اق بيلىك اتىنان لايىقتى ارەكەت ەتۋ بولىپ تابىلادى. ازاماتتار سىزدەردىڭ قىزمەتتەرىڭىزىگە ۇلكەن ءۇمىت ارتادى, بۇل سىزدەر ءۇشىن ۇلكەن جاۋاپكەرشىلىك.
⠀
كوپشىلىگىڭىز وسى مەرەكەنى قىزمەت ۇستىندە قارسى الاتىندارىڭىز انىق. سىزدەرگە مىندەتتەرىڭىزدى ءساتتى ورىنداپ, وزدەرىڭىز ءۇشىن ۇنەمى الاڭداپ وتىراتىن جاقىندارىڭىزعا تەز ارادا ورالۋدى تىلەيمىن. وتباسىلارىڭىزعا قۇت-بەرەكە تىلەيمىن!
⠀
قازاقستاندىق پوليتسيانىڭ قالىپتاسۋىنا, ىشكى ىستەر ورگاندارىنىڭ ۇزدىك داستۇرلەرىنىڭ ساقتالۋىنا جانە جاس قىزمەتكەرلەرگە تاجىريبە بەرۋدە قوسقان باعا جەتپەس ۇلەسى ءۇشىن ارداگەرلەرگە شەكسىز العىسىمدى بىلدىرەمىن.
⠀
قىزمەتتىك بورىشىن اتقارۋ كەزىندە قازا تاپقان پوليتسيا قىزمەتكەرلەرى ەسىمىزدە ماڭگىلىك ساقتالىپ قالا بەرەدى! ولارعا دەگەن العىسىمىز بەن ريزاشىلىعىمىز ءبىزدىڭ جۇرەگىمىزدە.
⠀
ىشكى ىستەر ورگاندارىنىڭ بارلىق قىزمەتكەرلەرىن پوليتسيا كۇنىمەن قۇتتىقتايمىن! سىزدەرگە جانە سىزدەردىڭ جاقىندارىڭىزعا دەنساۋلىق, قاجىماس قايرات جانە تابىس تىلەيمىن", - دەلىنگەن قۇتتىقتاۋ حاتىندا.
