تەحنولوگيا • 23 ماۋسىم، 2020

جاپوندىق سۋپەركومپيۋتەر TOR-500 ەسەبىندە توپ جاردى

31 رەت كورسەتىلدى

جاپوندىق Fugaku سۋپەركومپيۋتەرى TOR-500 حالىقارالىق ساراپشىلار توبىنىڭ ەسەبىندە ءبىرىنشى ورىندى الدى. بۇل تۋرالى كيودو اگەنتتىگىنە سىلتەمە جاساي وتىرىپ Egemen.kz حابارلايدى.

ەسەپ جىلىنا ەكى رەت شىعارىلادى. فۋگاكۋ − جاپوندىق فيزيكو-حيميالىق زەرتتەۋلەر ينستيتۋتىنىڭ RIKEN جانە Fujitsu-دىڭ بىرلەسكەن جوباسى. اتالعان جوبا ينستيتۋتتىڭ عىلىمي-زەرتتەۋ ورتالىعىندا قۇراستىرىلعان. ءبىر سەكۋندتا 415،5 كۆادريلليون وپەراتسيا جاسايدى. وتكەن جىلدىڭ قاراشا ايىندا سەكۋندىنا 148،6 كۆادريلليون وپەراتسيا كورسەتكىشىمەن رەيتينگتىڭ ءبىرىنشى قاتارىن يەلەنگەن Summit سۋپەركومپيۋتەرىنەن ءۇش ەسە كوپ.

فۋگاكۋ جىلدامدىق كورسەتكىشتەرىنەن باسقا كومپيۋتەرلىك مودەلدەۋدە جانە پروتسەستى مودەلدەۋدە قولدانىلاتىن مالىمەتتەردى ساناۋ ءادىسى ساناتىندا ءبىرىنشى ورىنعا يە بولدى. سونداي-اق جاساندى ينتەللەكتتىڭ وزدىگىنەن ءبىلىم الۋ قابىلەتى كاتەگورياسىندا جانە دەرەكتەردىڭ ۇلكەن كولەمىن ەسەپتەۋ جانە تالداۋ سالاسىندا جوعارى ناتيجە كورسەتتى. وسى ۋاقىتقا دەيىن الەمدەگى بىردە-ءبىر كومپيۋتەر التى نوميناتسيانىڭ تورتەۋى بويىنشا ءبىرىنشى ورىنعا يە بولىپ كورمەپتى.

جاپوندىق سۋپەركومپيۋتەر رەيتينگتە 9 جىل ىشىندە العاشقى بولىپ ءوزىنىڭ RIKEN-دە ورنالاسقان Kay كومپيۋتەرىنەن كەيىن ءبىرىنشى بولدى. ەكىنشى جانە ءۇشىنشى ورىنداردى اقش-تىڭ سۋپەركومپيۋتەرلەرى، 4 جانە 5-ورىندى قىتايدىڭ سۋپەركومپيۋتەرلەرى يەلەندى.

سوڭعى جاڭالىقتار

ۇقساس جاڭالىقتار