ء"بىز ءوز سەرىكتەستەرىمىزگە كەن ءوندىرىسىنىڭ كولەمىن ارتتىرۋعا مۇمكىندىك بەرەتىن ءتيىمدى تەحنولوگيالىق شەشىمدەر قاراستىرۋدى تاپسىردىق. ەندى, مىنە, الداعى ۋاقىتتا ءوندىرىس كولەمىن ەكى-ءۇش ميلليون تونناعا ەمەس, ەڭ كەم دەگەندە ەكى ەسە ارتتىرۋدى جوسپارلاپ وتىرمىز. ناتيجەسىندە, كەنىش تاۋ-كەن ءوندىرىسى سەكتورىنداعى ەڭ ۇزدىك الەمدىك تاجىريبەنى پايدالاناتىن بولادى", دەدى سسكوب تاۋ-كەن كەشەنى ءبولىمنىڭ جەتەكشى ينجەنەرى ۆيكتور مويسەەۆ.
ماماننىڭ ايتۋىنشا, كەندى سىرتقا تەمىرجول ترانسپورتىمەن شىعارعاننان گورى, اۆتوموبيل ترانسپورتىمەن تاسىمالداعان ەكونوميكالىق تۇرعىدان الدەقايدا ءتيىمدى. ويتكەنى تەمىر جولدىڭ كۇتىمى, دۋمپكار پاركى, جوندەۋ جۇيەسى, تەمىر جول كولىگىن ساتىپ الۋ قىرۋار شىعىندى قاجەت ەتەدى ەكەن.
الداعى مىندەت – اۆتواۋدارعىشتار مەن ەكسكاۆاتورلار ءۇشىن جاڭا ترانسپورت جولىن جاساۋ.
"100 پايىزدىق تابىسقا جەتتىك دەۋگە ءالى ەرتە. الايدا ارشىلعان كەن قاباتىن اۆتوترانسپورتپەن تاسىمالداۋعا كوشكەلى, ءبىز جۇمىس ونىمدىلىگىنىڭ ەداۋىر ارتا تۇسكەنىن كورىپ وتىرمىز", دەدى سسكوب قاشار تاۋ-كەن كەشەنىنىڭ تەحنيكالىق ءبولىمىنىڭ باسشىسى يگور ستەتس.
ءوندىرىستى وڭتايلاندىرۋ بارىسىندا كەنىش ءشومىشى 30-35 تەكشە مەترلىك ءىرى ەكسكاۆاتورلار مەن 240 توننا جۇكتى قينالماي كوتەرەتىن اۆتواۋدارعىش جۇك كولىكتەرىن پايدالانۋدى جوسپارلاپ وتىر. قازىر كەنىش بەدەرىندەگى اۆتوموبيل جولدارىنىڭ ەنى 36 مەترگە دەيىن كەڭەيتىلىپ جاتىر.
قوستاناي وبلىسى
