ايماقتار • 22 ماۋسىم، 2020

ەلوردا ەمحانالارى جوسپارلى قابىلداۋ مەن ناۋقاستاردى قاراۋدى توقتاتادى

75 رەت كورسەتىلدى

ەپيدەميولوگيالىق جاعدايدى ەسكەرە وتىرىپ، 23 ماۋسىمنان باستاپ قالا ەمحانالارىندا ناۋقاستاردى جوسپارلى قابىلداۋ مەن قاراۋ توقتاتىلادى. بۇل تۋرالى ەلوردا اكىمدىگىنىڭ رەسمي سايتى حابارلادى، - دەپ جازادى Egemen.kz

اتاپ ايتقاندا: ەرەسەكتەر مەن بالالاردى پروفيلاكتيكالىق قابىلداۋ، ونىڭ ىشىندە سكرينينگتەر، جوسپارلى ستوماتولوگيالىق، وڭالتۋ قىزمەتتەرى، دەنساۋلىق مەكتەبى، مەديتسينالىق-الەۋمەتتىك قولداۋ، ءماس قۇجات راسىمدەۋ، كۇندىزگى ءبولىمنىڭ جۇمىسى، جوسپارلى تۇردە اۋرۋحاناعا جاتقىزۋعا جولداما بەرۋ، تاۋلىك بويعى جانە كۇندىزدى ستاتسيونار بار. مامانداردىڭ جوسپارلى كونسۋلتاتسيالىق كومەك كورسەتۋى ونلاين فورماتقا اۋىستىرىلادى. ديسپانسەرلىك تىركەۋدە تۇرعان ازاماتتارعا قاجەتتى رەتسەپت ونلاين بەرىلىپ، ءدارى-دارمەك ۇيگە دەيىن جەتكىزىپ بەرىلەدى.

حالىقتى ۆاكتسيناتسيالاۋ ەكپەنىڭ ۇلتتىق كۇنتىزبەسى بويىنشا جوسپارلى تۇردە جۇرگىزىلەدى. جۇكتى ايەلدەردى قابىلداۋ، ۋدز سكرينينگ جۇرگىزۋ شتاتتىق رەجيمدە قالادى.

قالا ەمحانالارى تەك شۇعىل جانە كۆي بەلگىلەرى بار ناۋقاستاردى عانا قابىلدايدى. كوروناۆيرۋستىڭ اۋرۋ بەلگىلەرى جوق ناۋقاستارىن ەمدەۋ ءۇشىن مەديتسينا قىزمەتكەرلەرى بەينەقوڭىراۋ جانە بايلانىستىڭ باسقا دا ارنالارىن پايدالانۋ ارقىلى ازاماتتاردىڭ دەنساۋلىعىن قاداعالاپ وتىرادى جانە ينفەكتسيانىڭ سيمپتومسىز تۇرىنە قاتىستى ماسەلەلەر بويىنشا كونسۋلتاتسيا وتكىزەتىن بولادى. اۋرۋ بەلگىلەرى بايقالعان بويدا ناۋقاستاردى اۋرۋحاناعا جاتقىزادى.

22 ماۋسىمدا قوسىمشا 200 ورىندىق ستاتسيونار دايىندالدى. قاجەتتىلىك تۋىنداعان جاعدايدا باسقا دا ۇيىمدار ستاتسيونار رەتىندە بەيىمدەلەدى.

سوڭعى جاڭالىقتار

شەرحان مۇرتازانىڭ ءۇيى

ادەبيەت • كەشە

«جاسىل» ايماقتا ەكى ءوڭىر

كوروناۆيرۋس • كەشە

بۇگىن - انالار كۇنى

قازاقستان • كەشە

الماتىدا تەگىن ءدارى-دارمەك قاتارى ارتتى

مەديتسينا • 18 قىركۇيەك، 2021

الەمدە ەپيداحۋال قانداي؟

الەم • 18 قىركۇيەك، 2021

توكيو مارافونى 2022 جىلعا شەگەرىلدى

سپورت • 18 قىركۇيەك، 2021

الماتىدا تاۋ بوكتەرى ورتەنىپ جاتىر

ايماقتار • 18 قىركۇيەك، 2021

ۇقساس جاڭالىقتار