رۋسلان ابدىقالىقوۆ 1975 جىلى قىزىلوردا قالاسىندا دۇنيەگە كەلگەن.
1996 جىلى قورقىت اتا اتىنداعى قىزىلوردا پەداگوگيكالىق ينستيتۋتىن "ماتەماتيكا جانە فيزيكا مۇعالىمى" ماماندىعى بويىنشا, 2014 جىلى — قاراعاندى مەملەكەتتىك تەحنيكالىق ۋنيۆەرسيتەتىن "اقپاراتتىق جۇيەلەر باكالاۆرى" ماماندىعى بويىنشا تامامداعان.
2005 جىلى "ۇلتتىق اقپاراتتىق تەحنولوگيالار" اق اقپاراتتىق جۇيەلەرگە سەرۆيستىك جۇيەلىك-تەحنيكالىق قىزمەت كورسەتۋ دەپارتامەنتىنىڭ باس مامانى بولىپ جۇمىس ىستەدى.
2005-2011 جىلدارى — ورتالىق سايلاۋ كوميسسياسىنىڭ "ينجەنەرلىك-تەحنيكالىق ورتالىعى" رمك ديرەكتورى ورىنباسارىنىڭ مىندەتىن اتقارۋشى, ءبولىم باسشىسى.
2011-2014 جىلدارى تەلەكوممۋنيكاتسيا سالاسىنداعى تەحنيكالىق سۇيەمەلدەۋ جانە تالداۋ ورتالىعىنىڭ زەرتحانالىق سىناقتار دەپارتامەنتىنىڭ ديرەكتورى بولدى.
2014 جىلى بايلانىس جانە اقپارات اگەنتتىگىنىڭ دەپارتامەنتى ديرەكتورىنىڭ مىندەتىن اتقارۋشى, ديرەكتورى قىزمەتىن اتقاردى.
2014-2016 جىلدارى ينۆەستيتسيالار جانە دامۋ مينيسترلىگىنىڭ بايلانىس, اقپاراتتاندىرۋ جانە اقپارات كوميتەتىنىڭ بايلانىس جانە اقپارات سالاسىنداعى باقىلاۋ باسقارماسىنىڭ باسشىسى قىزمەتىن اتقاردى.
2016 جىلى — اقپارات جانە كوممۋنيكاتسيالار مينيسترلىگىنىڭ بايلانىس, اقپاراتتاندىرۋ جانە باق سالاسىنداعى مەملەكەتتىك باقىلاۋ كوميتەتى توراعاسىنىڭ ورىنباسارى.
2016-2019 جىلدارى — قورعانىس جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتى توراعاسىنىڭ ورىنباسارى.
2019 جىلى تسيفرلىق دامۋ, قورعانىس جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتى توراعاسىنىڭ ورىنباسارى بولىپ جۇمىس ىستەدى.
2019 جىلدان باستاپ قازىرگى ۋاقىتقا دەيىن تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتى توراعاسىنىڭ ورىنباسارى قىزمەتىن اتقاردى.
