بۇل وتكەن جىلمەن سالىستىرعاندا 30 مىڭ تونناعا ارتىق. سونداي-اق ماماندار استىقتىڭ تۇسىمدىلىگى گەكتارىنان 21 تسەنتنەردەن بولاتىنىن ايتۋدا.
وبلىس اكىمى ومىرزاق شوكەەۆ "تۇركىستان اگرو ءححى" جشس-ءىڭ القابىندا جاڭبىرلاتىپ سۋعارۋ تەحنولوگياسىمەن ەگىلگەن كۇزدىك بيدايدى ورۋ ناۋقانىنا قاتىستى. سونداي-اق, وبلىس اكىمى اۋداندىق ارداگەرلەر كەڭەستەرىنىڭ توراعالارىمەن جانە ءماسليحات دەپۋتاتتارىمەن بىرگە قازىعۇرت اۋدانىندا ەگىستىك القاپتاردى ارالاپ, استىق ورۋ ناۋقانىنىڭ بارىسىن باقىلادى. الدىمەن ق. ابداليەۆ اۋىل وكرۋگىندەگى "تىلەۋبەردى" شارۋا قوجالىعىندا بولىپ, القاپتا جايقالعان ەگىنگە وڭ باعاسىن بەردى. جيىرما جىلدان استام ۋاقىت بويى ەگىن شارۋاشىلىعىمەن اينالىسىپ كەلە جاتقان شارۋا قوجالىعىنىڭ 1500 گەكتار جەرگە جۋىق القابىندا بيداي, ارپا, ماقسارى مەن جوڭىشقا ەگىلگەن. 7 دانا استىق ورۋ كومباينى مەن 15 شارۋا تىنىمسىز ەڭبەكتەنۋدە. بىلتىر استىقتىڭ ءار گەكتارىنان 20 تسەنتنەر ەگىن الىنعان بولسا, بيىل ودان جوعارى ءونىم الۋ جوسپارلانىپ وتىر.
"استىق قورىنىڭ مول بولۋى اسا ماڭىزدى. حالىقتى ءوز ونىمىمىزبەن قامتاماسىز ەتۋىمىز قاجەت. سول سەبەپتى ايانباي ەڭبەك ەتىڭىزدەر. اۋداندا اۋىل شارۋاشىلىعىن قارقىندى دامىتۋعا بارىنشا قولداۋ كورسەتىلەدى", - دەدى وبلىس اكىمى.
جالپى, قازىعۇرت اۋدانىندا شارۋالار 44 مىڭ 221 گەكتارعا ەگىن ەككەن.
تۇركىستان وبلىسى
