11 ماۋسىمدا شىمكەنت قالاسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى "قاراسورا-2020" رەسپۋبليكالىق جەدەل-پروفيلاكتيكالىق ءىس-شاراسىن جۇرگىزۋ بارىسىندا ەسىرتكى زاتىن زاڭسىز ساقتاۋ فاكتىسى بويىنشا 1974 جىلى تۋعان ايەل وز ۇيىندە توڭازىتقىشتا پوليەتيلەندى پاكەتكە وراپ, ەسىرتكىگە ۇقساس زاتتاردى ساقتاعانىن انىقتادى.
ساراپتامانىڭ قورىتىندىسىنا سايكەس تاركىلەنگەن زاتتار جالپى سالماعى 1 كيلوگراممعا جۋىق "ماريحۋانا" مەن "گاشيش" ەسىرتكى زاتتارى ەكەندىگى انىقتالدى. اتالعان فاكتى سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە قك-ءنىڭ 296-بابى 4-بولىگىمەن (اسا ءىرى مولشەردەگى ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ) تىركەلىپ, سوتقا دەيىنگى تەرگەپ-تەكسەرۋ باستالدى.
سونداي-اق, وسى ەسىرتكى زاتتارىنىڭ پايدا بولۋ جولدارى مەن ونىڭ زاڭسىز اينالىمعا سالىنۋ دەرەكتەرىن انىقتاۋ ماقساتىندا تەكسەرۋ جۇمىستارى جۇرگىزىلىپ جاتىر. ايەلگە قاتىستى "ەشقايدا كەتپەۋ جانە ءتيىستى مىنەز-قۇلقى تۋرالى قولحات" تۇرىندەگى بۇلتارتپاۋ شاراسى قولدانىلدى.
شىمكەنت
