"بۇگىن, 20 ماۋسىمدا, مەن شۇعىل قابىلداۋ بولىمىندە تۇرمىن. № 2 پوست نەمەسە كوروناۆيرۋس ينفەكتسياسىنىڭ بەلگىلەرى بار ناۋقاستار تۇسەتىن پروۆيزورلىق بەكەت. بۇل بەكەت ينفەكتسيانىڭ تارالۋىنا جول بەرمەۋدىڭ الدىن الۋ ءۇشىن قۇرىلدى", - دەدى م.ابدۋوۆ. باس دارىگەر ءارى قاراي تىركەۋ بولىمىنە باردى. "مىنا جەردە تىركەۋ جانە ناۋقاستاردى مەديتسينالىق سۇرىپتاۋ جۇرگىزىلەدى, ياعني ونىڭ اۋىرلىق جاعدايى, ەگەر ناۋقاس "اۋىر جاعدايدا" جانە وعان شۇعىل مەديتسينالىق كومەك كەرەك بولسا, جانساقتاۋ ءبولىمى جىبەرىلەدى نەمەسە كومەك قارقىندى تەراپيا بولىمىندە كورسەتىلەدى", - دەپ جالعاستىردى ول. كەلەسى بولىپ وقشاۋلاۋ عيماراتىن كورسەتتى.
"مۇندا كوروناۆيرۋس ينفەكتسياسىنا پتر-تەست جاساۋ ءۇشىن مۇرىننان جاعىندى الىنىپ, بارلىق تالداۋلار ەلەكتروندى بازاعا ەنگىزىلەدى. سوسىن ناۋقاس وقشاۋلاۋ بولىمىنە جاتقىزىلادى. بىزدەگى پالاتالار 3-4 ورىنعا ەسەپتەلگەن", - دەدى №1 قالالىق اۋرۋحانانىڭ باس دارىگەرى. ەپيدەميولوگيالىق جاعدايدىڭ كۇرت ناشارلاۋىنا بايلانىستى قالانىڭ اۋرۋحانالارىندا ناۋقاستاردىڭ سانى كوبەيدى. "دارىگەرلەر بارلىق ناۋقاستارعا قاجەتتى مەديتسينالىق كومەكتى تولىق كولەمدە كورسەتىپ جاتىر", - دەدى اۋرۋحانادا. بۇعان دەيىن حابارلانعانداي, 20-21 ماۋسىمدا نۇر-سۇلتاندا قوعامدىق كولىكتەرىنىڭ جۇمىسى جانە قالا تىرشىلىگىن قامتاماسىز ەتەتىن كاسىپورىندار, ءدارىحانالار مەن ءۇيدىڭ اۋلاسىنداعى ازىق-ت ۇلىك دۇكەندەرىنەن باسقا ۇيىمداردىڭ جۇمىسى توقتاتىلادى (جۇمىس كەستەسى 10.00-17.00 ارالىعاندا).
سونداي-اق بارلىق قوعامدىق ورىندار: ساياباقتار, گۇلزارلار, جاعالاۋلار, جاعاجايلار مەن باسقا دا ادام كوپ جينالاتىن جەرلەر جابىق بولادى. نۇر-سۇلتاندا اۋقىمدى دەزينفەكتسيالاۋ جۇمىسى ءجۇرىپ جاتىر. زالالسىزداندىرۋمەن ادام كوپ جۇرەتىن جەرلەردىڭ بارلىعى قامتىلدى. دەزينفەكتسيانى ماماندار جاياۋ ءجۇرىپ جانە ارنايى تەحنيكانىڭ كومەگىمەن جاساپ جاتىر.
