جاناشىر جانداردىڭ ءبىرى تالتۇستەگى توناۋشىلىق تۋرالى پوليتسيانىڭ "102" نومىرىنە دابىل تۇسىرگەن. پوليتسيانىڭ جەدەل باسقارۋ ورتالىعى بارلىق قىزمەتتەرىنە حابارلاپ جانە قىلمىس بولعان وبلىستىق اۋرۋحانانىڭ اۋماعىنا جاقىن ماڭداعى پاترۋلدەردى دە جىبەرگەن. بارلىعىنا قىلمىسكەردىڭ سىرت بەلگىلەرى مەن كيىمدەرىنىڭ ءتۇر-ءتۇسى جەتكىزىلگەن.
سول بەلگىمەن پاترۋلدىك پوليتسيا باتالونىنىڭ اعا ينسپەكتورى, لەيتەنانت ومىرسەرىك ورازعاليدىڭ توبى كۇدىكتىگە ۇقساس ادامدى كوزدەرى شالىپ قالعان. قىراعى توپتىڭ تۇيسىگى الداماپتى, جاقىنىراق كەلگەندە ءتىپتى ارتقى قالتاسىنان قىلتيىپ تۇرعان ايەلدىڭ ءاميانى دا كورىنگەن. پوليتسيا وعان "توقتا!" دەگەن كوماندا بەرگەندە زىتا جونەلمەك بولعان, الايدا سپورتتىق دايىندىعى مىقتى پاترۋلدەر ەكى اتتاتپاي قۋىپ جەتىپ, قولىن قايىرىپ, كىسەن سالادى.
ول بۇرىن سوتتالعان, اقمولا وبلىسىنان پەتروپاۆلعا كەلگەن ادام بولىپ شىقتى. قازىر ونىڭ ۇستىنەن "توناۋ" بابى بويىنشا قىلمىستى ءىس قوزعالىپ, قالانىڭ وقشاۋلاعىشىنا قامالدى.
ال زارداپ شەككەن كەيۋانىنىڭ پوليتسيا قىزمەتكەرلەرىنە دەگەن العىسى شەكسىز. قىلمىسكەر لاقتىرىپ كەتكەن ونىڭ سومكەسى دە قوقىس كونتەينەرلەرىنىڭ بىرىنەن شىقتى.
پەتروپاۆل
