ايماقتار • 19 ماۋسىم، 2020

قوستاناي وبلىسىندا پوليتسيانى بالاعاتتاعان ايەل سوتتالدى

133 رەت كورسەتىلدى

دەنيسوۆ اۋدانىنىڭ سوتى بيلىك وكىلىنە ءتىل تيگىزگەن ايەلگە ايىپپۇل سالىپ، 40 ساعات قوعامدىق جۇمىس ىستەۋگە ماجبۇرلەۋ تۋرالى ۇكىم شىعاردى، دەپ جازادى Egemen.kz

16 مامىردا اتالعان ازاماتشانىڭ ۇستىنەن فرۋنزە اۋىلىنىڭ تۇرعىندارى ۋچاسكەلىك ينسپەكتورعا  شاعىم تۇسىرگەن. ايەل الاڭقايدا ويناپ جۇرگەن بالالار ايقاي سالىپ بالاعاتتاعان. اتا-انالاردىڭ ەسكەرتۋىنە قۇلاق اسا قويماعان سوڭ، تۇرعىندار جەرگىلىكتى ۋچاسكەلىك ينسپەكتوردى شاقىرعان. 

پوليتسەي وقيعا ورنىنا كەلىپ، ءمان-جايعا قانىققان سوڭ، 38 جاستاعى ايەلدىڭ ارەكەتىن ۇساق بۇزاقىلىق دەپ باعالاپ، قر اقك-ءنىڭ 434 بابى بويىنشا حاتتاما تولتىرىپ، سوتقا جىبەرەدى.

سول كۇنى ۋچاسكەلىك ينسپەكتور سوتقا شاقىرۋ قاعازىن تاپسىرۋ ءۇشىن ايەلدىڭ ۇيىنە كەلگەن. قىزىقتىڭ كوكەسى وسى جەردە بولادى. قۇقىق بۇزعان ايەل ۇيىنەن شىعا سالىسىمەن، پوليتسەيگە بىلاپىت ءسوزدىڭ ءتۇر-ءتۇرىن قارشا جاۋدىرادى. اۋزىنان اق يت كىرىپ، كوك يت شىققان كەلىنشەك قوي دەگەنگە كونبەگەن سوڭ، پوليتسەي ەندى قىلمىستىق كودەكسكە جۇگىنىپ، قىزمەتتىك مىندەتىن اتقارىپ جاتقان بيلىك وكىلىن قورلاعان ازاماتشانىڭ ۇستىنەن  قىلمىستىق ءىس اشادى. ءىستى تەكسەرۋ كوپكە سوزىلماي اياقتالىپ، سوتقا جىبەرىلەدى. سوت جوعارىداعىداي ۇكىم شىعارىپ وتىر.

قوستاناي وبلىسىنىڭ پد ءباسپاسوز قىزمەتىنىڭ مالىمەتىنشە، ايماقتا جىل باسىنان بەرى بيلىك وكىلىنە ءتىل تيگىزگەندەرگە قاتىستى 43 ءىس قوزعالىپ، ونىڭ 30-ى سوتقا جىبەرىلگەن. بيلىك وكىلىنە قارسى قارا كۇش قولدانعاندار دا بار. مۇنداي ازاماتتارعا قاتىستى 3 قىلمىستىق ءىس قارالىپ جاتىر، 6 ءىس سوتقا جىبەرىلگەن.

 

قوستاناي وبلىسى

سوڭعى جاڭالىقتار

ۇقساس جاڭالىقتار