بۇگىنگى تاڭدا الەمگە تاراعان كوروناۆيرۋس ىندەتىنە بايلانىستى, ەلىمىزدە توتەنشە جاعداي ەنگىزىلگەنى بەلگىلى. "بارلىعىمىز ۇيدە بولايىق!", ء"بىز بىرگەمىز" اكتسياسى جۇرگىزىلدى. باسقا ءبىلىم بەرۋ سالالارى ءتارىزدى, الماتى ۋنيۆەرسيتەتى دە ۇزدىكسىز ءبىلىم بەرۋدى جالعاستىرۋ ماقساتىندا قاشىقتىقتان وقىتۋ جۇيەسىنە كوشتى.
جوعارى وقۋ ورنىنىڭ وقۋ باعدارلاماسىنىڭ باسىم بولىگى وزىندىك جۇمىس ەكەندىگى بەلگىلى. بارلىق ماماندىقتاردى دايىنداۋداعى ءپاننىڭ وقۋ-ادىستەمەلىك كەشەنى, ستۋدەنتتەرگە ارنالعان ءپان سيللابۋسىندا ستۋدەنتكە كەرەكتى اقپاراتتار بەرىلگەن. ءبىلىم بەرۋشى اۋديوبەينە ارقىلى ZOOM لەكتسياسىن جۇرگىزىپ, "Klassroom" بويىنشا ستۋدەنتتەر تاپسىرمالاردى دايىنداپ جىبەرەدى. بۇل ستۋدەنت پەن وقىتۋشىنىڭ تىعىز ىنتىماقتاستىعىن كورسەتەدى.
قاشىقتىقتان وقىتۋ ءبىلىم مازمۇنىنىڭ بۇل ءتۇرى, ستۋدەنت-جاستاردىڭ بويىنداعى ىزدەنىستەرىن ارتتىرىپ, ءوزىنىڭ بولاشاق كاسىبىنە دەگەن قۇلشىنىسىنا سەرپىلىس بەرەدى. مىسالى: وزىنە قاجەتتى مالىمەتتەردى تالدايدى, جۇيەلەيدى, اقپارات دەرەكتەرىنىڭ نەگىزىندە دايەكتى قورىتىندى شىعارىپ, ءپاندى يگەرۋدەگى قۇبىلىستاردى, ۇدەرىستەردى ءتۇسىندىرۋ, سالىستىرۋ, اجىراتۋ داعدىلارى جەتىلە تۇسەدى. تەك وقىتۋشى ستۋدەنتتەرگە دۇرىس باعىت-باعدار بەرسە بولعانى.
ءبىزدىڭ الماتى ۋنيۆەرسيتەتىنىڭ پروفەسسور-وقىتۋشىلار قۇرامىنىڭ عىلىمي دارەجەلەرىمەن سايكەس, ەڭبەكتەرى رەسپۋبليكاعا ءمالىم. جاڭا گۋمانيتارلىق ءبىلىم "100 جاڭا وقۋلىق" جوباسى اياسىندا, ەلەكتروندى وقۋلىقتارمەن قامتىلعان. الەمدىك دەڭگەيدەگى اقپاراتتارمەن ستۋدەنتتەردىڭ تانىپ بىلۋىندەگى پروفەسسور – وقىتۋشىلاردىڭ اتقارار قىزمەتى وراسان زور. وسى باعىتتا جوعارى ءبىلىمدى مامان بولۋداعى بارلىق رۋحاني قاجەتتىلىكتەردى, ءبىلىم بەرۋشى ۇستازىنىڭ كەڭەسىمەن, باعىت سىلتەۋىمەن ءوزىن بايىتىپ, بەلسەندىلىك تانىتۋدا.
ساناداعى سەرپىلىس ۇلتتىق مادەنيەتىمىزدىڭ الەمدىك دەڭگەيدەگى ايشىقتى ورنى بار ەكەندىگىمەن دالەلدەنۋدە. ۇلت كوشباسشىسى ن.ءا.نازارباەۆتىڭ "بولاشاققا باعدار: رۋحاني جاڭعىرۋ" اتتى باعدارلامالىق ماقالاسى, ءداستۇردىڭ زامانا سىنىنان سۇرىنبەي وتكەن وزىعىنا نەگىزدەلۋى سونىڭ ايعاعى. عىلىم – كوپ قىرلى, كۇردەلى قۇرىلىم. رۋحاني تاربيە – عىلىم ارقىلى بەرىلەتىنى انىق. ءدال قازىرگى قاتاڭ سىندا, ءاربىر جاستاردىڭ ۇنەمدى بولۋداعى پراگماتيزم, تۋعان ەل, اتا-جۇرتتىڭ قادىر-قاسيەتىن ءبىلۋ, باسەكەلەستىككە توتەپ بەرۋ تاعى سول سياقتى قۇندىلىقتاردىڭ كورىنىس بەرىپ جاتقاندىعىنىڭ كۋاسىمىز. ۋنيۆەرسيتەت ستۋدەنت-جاستارى ەدۆايزەرلەرىنىڭ باستاماسىمەن بۇل قيىندىقتان شىعۋدان ءار ءتۇرلى مازمۇنداعى بەينەروليكتەرىنىڭ تاربيەلىك ءمانى زور. مىسالى: "مەنىڭ تۋعان ولكەم", "مەنىڭ وتباسىم", "ساباقتان تىس ۋاقىتتاعى ءحوببيىم", "سىزدەرمەن بىرگەمىن!" تاقىرىپتارىنداعى قىسقا دا نۇسقا بەينەروليكتەرى بەرىلىپ جاتقان وقۋ-تاربيەنىڭ جەمىسى.
جىل سايىن وتەتىن ستۋدەنتتەردىڭ عىلىمي پاندىك جوبالارىنا, ونەر بايقاۋلارىنا عىلىمي جەتەكشىلەرىمەن ونلاين تۇرىندە تىعىز بايلانىس ورناتىپ, دايىندالۋ ۇستىندە. بۇل قاشىقتىقتان وقىتۋداعى بۇگىنگى تالاپتاردىڭ ورىندالىپ جاتقاندىعى دەسەك, ارتىق ايتپاسپىز. وسىعان وراي, الماتى ۋنيۆەرسيتەتىنىڭ پروفەسسور- وقىتۋشىلارى ستۋدەنتتەرگە تەرەڭ ءبىلىم مەن ۇلتتىق مادەنيەتى الەمدىك وركەنيەتپەن ساباقتاستىرا وتىرىپ, جان-جاقتى قىزمەت اتقارۋدا. قوعامنىڭ سۇرايتىنى دا وسى.
ساعات الدەكەنوۆ
الماتى ۋنيۆەرسيتەتىنىڭ تاربيە ءىسى جونىندەگى پرورەكتورى,
زاڭ عىلىمدارىنىڭ رھ.D دوكتورى
