ايماقتار • 18 ماۋسىم، 2020

اتىراۋدا قاۋىپتى ىندەتتەن ەكى ايەل كوز جۇمدى

245 رەت كورسەتىلدى

كوروناۆيرۋستىڭ قۇرساۋىنان شىعا الماي، قايتىس بولعاندار – 73 جانە 40 جاستاعى ايەلدەر، - دەپ حابارلايدى Egemen.kz.

وبلىستىق دەنساۋلىق ساقتاۋ باسقارماسىنىڭ مالىمەتىنە سۇيەنسەك، تاسقالا ەلدى مەكەنىنىڭ  40 جاستاعى تۇرعىنى 8 ماۋسىمدا السىزدىك، قۇرعاق جوتەل، تابەتتىڭ بولماۋى، جۇرەك اينۋ مەن قۇسۋدىڭ قايتالانۋى سالدارىنان  مەديتسينالىق قىزمەتكە  جۇگىنىپتى. كەيىن ناۋقاس  جەدەل تۇردە وبلىستىق اۋرۋحانانىڭ پروۆيزورلىق ستاتسيونارىنا جاتقىزىلدى.  الگوريتمگە سايكەس،  ناۋقاستان پتر تەست الىنىپ، ناتيجەسىندە كوروناۆيرۋس انىقتالعان.  دارىگەرلەر ايەلدەن  وكپەنىڭ ەكىجاقتى "كۇڭگىرت اينەك" ءتيپتى وزگەرىسىن بايقاعان.

قابىلداۋ كەزىندە 40 جاستاعى ايەلدەن ينتوكسيكاتسيا بەلگىلەرى انىقتالىپ، جاعدايى  "ورتاشا" دەپ باعالاندى. ناۋقاس تابەتتىڭ  بولماۋى، قۇسۋ،  دەنە قىزۋىنىڭ  37°C-قا كوتەرىلۋى، تاماقتىڭ قىزارۋى جانە  ءجيى قۇرعاق جوتەل قايتالانعانىنا شاعىمدانعان. اۋرحانادا ناۋقاسقا كلينيكالىق حاتتاماعا سايكەس، ەمدىك شارالارى جۇرگىزىلدى.

"17 ماۋسىم كۇنى كەشكە  مارقۇمنىڭ  جاعدايى كۇرت ناشارلاپ، ەسىنەن تاندى. سول سەبەپتەن،  شۇعىل تۇردە جانساقتاۋ بولىمىنە جەتكىزىلدى. وعان 30 مينۋت ىشىندە رەانيماتسيالىق شارالار تولىق كولەمدە  جۇرگىزىلىپ، دارىگەرلەر ناۋقاستى قۇتقارۋ ءۇشىن قولدان كەلگەننىڭ ءبارىن جاسادى. الايدا، ساعات 21:30-دا بيولوگيالىق ءولىم انىقتالدى.  ناۋقاسقا قويىلعان قورىتىندى دياگنوز: COVID-19، ەكى جاقتى پوليسەگمەنتتى  پنەۆمونيا. ءولىمنىڭ سەبەبى: وكپە ەمبولياسى"، - دەپ ءتۇسىندىردى دەنساۋلىق ساقتاۋ باسقارماسىنان.

ال، قايتىس بولعان ەكىنشى ايەل –73 جاستاعى اتىراۋ قالاسىنىڭ تۇرعىنى. ول 12 ماۋسىمدا وبلىستىق اۋرۋحانانىڭ پروۆيزورلىق ستاتسيونارىنان  جانساقتاۋ بولىمىنە جەتكىزىلگەن.  ەس-ءتۇسسىز كۇيدە رەانيماتسياعا جونەلتىلگەن  ناۋقاسقا يۆل اپپاراتى قوسۋلى بولعان.

"№2 وبلىستىق اۋرۋحاناعا كەلگەن كەزدە ناۋقاستىڭ جاعدايى وتە اۋىر بولدى. رەسپۋبليكالىق احۋالدىق  ورتالىعىنىڭ رەانيماتولوگتارى مەن  پۋلمونولوگتارىنان  تەلەفون ارقىلى  بىرنەشە رەت كەڭەس الىندى.  قابىلدانعان شارالارعا قاراماستان، 17 ماۋسىمدا  ساعات 20:40-تا بيولوگيالىق ءولىم تىركەلدى.  ايەلگە قويلىعان قورىتىندى دياگنوزى: COVID-19، ەكى جاقتى پوليسەگمەنتتى پنەۆمونيا،  ىلەسپەلى اۋرۋلارىنىڭ  دياگنوزى: جۇرەكتىڭ باستاپقى زاقىمدانۋى بار گيپەرتەنزيا جانە  سەمىزدىك. اۋرۋدىڭ اسقىنۋى سالدارىنان ناۋقاستا پوليورگان جەتىسپەۋشىلىگى پايدا بولعان"، - دەدى وبلىستىق دەنساۋلىق ساقتاۋ باسقارماسىنان.

وسىلايشا، بۇگىن، 18 ماۋسىمدا اتىراۋ وبلىسىندا كوروناۆيرۋس ينفەكتسياسىنان 8 ادامنىڭ ءولىمى تىركەلىپ وتىر.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار