"اتموسفەرالىق اۋانىڭ ساپاسىن LED ەكراندا كورسەتەمىز. قالانىڭ ءار بولىگىندە ورنالاسقان اقپارات بەرۋ قۇرىلعىلارىن قازگيدرومەت جاڭارتىپ, وڭدەيدى. بۇل جوبا الماتىلىقتاردىڭ قالانىڭ ەكولوگيالىق احۋالىن ءبىلىپ وتىرۋىنا مۇمكىندىك بەرەدى", — دەدى ب.ساعىنتاەۆ.
اقپارات 26 "داتچيكتەر" ارقىلى جاقىن ماڭداعى LED-ەكرانعا تۇسەدى. مۇنداعى مالىمەتتەر ءبىر كۇندە ءۇش رەت جاڭارادى. قوسىمشا تاعى 10 مونيتورينگتىك ستانتسيالار قوسىلاتىن بولادى.
مالىمەتتەر اۋانىڭ نەگىزگى التى كورسەتكىشىنەن تۇرادى. ولار: رم 2,5 ولشەنگەن بولىكتەرى, كۇكىرتتىڭ ديكوسيدى, ازوتتىڭ ديكوسيدى, ازوتتىڭ وكسيدى, كومىرتەگىنىڭ وكسيدى, فەنول.
بۇل جوبا الماتى اكىمى ب.ساعىنتاەۆتىڭ تاپسىرماسىنا سايكەس جۇزەگە اسىپ وتىر جانە قالانىڭ ەكولوگيالىق احۋالىن جاقسارتۋدىڭ كەشەندى شارالارىنىڭ ءبىرى بولىپ تابىلادى.
ەسكە سالساق, ەكولوگيالىق اقپاراتقا قولجەتىمدىلىك قۇقىعى قازاقستان رەسپۋبليكاسىنىڭ ەكولوگيالىق كودەكسىندە ايتىلعان.
