«2015 جىلى ۇكىمەت بەكىتكەن جەكەشەلەندىرۋدىڭ 2016-2020 جىلدارعا ارنالعان كەشەندى جوسپارىندا 167 كومپانيا قامتىلعان. وسى ۋاقىتقا دەيىن «سامۇرىق-قازىنا» قورى 137 اكتيۆتى جەكەشەلەندىرۋ جۇمىستارىن اياقتادى. سونىڭ ىشىندە 84 اكتيۆتى 172 ملرد تەڭگەگە ساتتىق. 53 اكتيۆ تاراتىلدى نەمەسە قايتا قۇرىلدى. قازىر ءبىزدىڭ قورجىندا 9 ءىرى اكتيۆ جانە 21 ءىرى ەمەس اكتيۆ بار. بۇگىنگى تاڭدا پاندەميا ىقپالىنان ينۆەستيتسيالىق نارىققا ايتارلىقتاي اسەر ەتەتىن كاپيتال نارىعىندا بەلگىسىزدىك بايقالىپ تۇر. مۇنداي جاعدايدا قور اكتيۆتەرىن جەكەشەلەندىرۋ ءادىل قۇن تۇرعىسىنان دا, ورنالاستىرۋ مولشەرى جاعىنان دا قاۋىپتى. سوندىقتان ءبىز قوردىڭ جالعىز اكتسيونەرى – ەل ۇكىمەتىنە 2016-2020 جىلدارعا ارنالعان جەكەشەلەندىرۋ جوسپارىندا كوزدەلگەن مەرزىمدەردى وزگەرتۋدى ۇسىندىق. ءبىزدىڭ باستامامىز تولىقتاي قولداۋ تاپتى», دەدى ا.ساتقاليەۆ.
وسىلايشا, 2021 جىلى «قازپوشتا» اق جانە «سامۇرىق-ەنەرگو» اق ستراتەگيالىق ينۆەستورعا ساتىلادى. 2022 جىلى «قازمۇنايگاز» ۇك» اق جانە «ەير استانا» اق IPO-عا شىعارىلادى, «تاۋ-كەن سامۇرىق» اق جانە «Qazaq Air» اق جەكەشەلەندىرىلەدى. 2023 جىلى «قازاقستان تەمىر جولى» ۇك» اق-نى IPO-عا شىعارۋ جوسپارلانىپ وتىر.
وسى جىلى قور «قازاقتەلەكوم» اكتسيالارىنىڭ 10%-ىن «بىرىڭعاي جيناقتاۋشى زەينەتاقى قورى» اق-نا ساتپاق. ا.ساتقاليەۆتىڭ ايتۋىنشا, بۇل مەملەكەتتىڭ ستراتەگيالىق سالادا قاتىسۋىن ساقتاپ قانا قويماي, سالىمشىلاردىڭ قاراجاتىنا كەپىلدىك بەرەدى.
– بۇگىندە ءبىز «سامۇرىق-قازىنا» اق كومپانياسىنىڭ بارلىق مۇددەلى تاراپتارى ءۇشىن ۇزاقمەرزىمدى جەڭىلدىكتەردى ۇلعايتۋعا نەگىزدەلگەن قازاقستان حالقى مۇددەلەرىنە نەگىزدەلگەن اكتيۆتەردى جەكەشەلەندىرۋ بويىنشا كەشەندى جۇمىستاردى جالعاستىرىپ كەلەمىز. مەملەكەتتىك كوميسسيا وتىرىسىندا «قازاقتەلەكوم» اكتسيالارىنىڭ 10%-ىن قازاقستان رەسپۋبليكاسىنىڭ بىرىڭعاي جيناقتاۋشى زەينەتاقى قورىنا ساتۋ تۋرالى شەشىم قابىلداندى. قازىرگى ەكونوميكالىق جاعدايدا ءبىز تەلەكوممۋنيكاتسيالار نارىعى, IT-قىزمەتتەر نارىعىنىڭ قىزمەتتەردى تۇتىنۋ كولەمىنىڭ ارتۋىنا يە سالالاردىڭ ءبىرى ەكەندىگىنە نازار اۋداردىق. ياعني بۇل – ينتەرنەتتەگى قىزمەت كورسەتۋ كولەمىنىڭ ارتۋى, ونلاين- قىزمەتتەردى قوسۋ ينۆەستورلار ءۇشىن تارتىمدى بولا تۇسۋدە. بىرىنشىدەن, «قازاقتەلەكوم» ستراتەگيالىق نىسان بولسا, ەكىنشىدەن, باعالانباعان اكتيۆتەر. اتالعان ستراتەگيالىق اكتيۆتى مەملەكەتتىك باقىلاۋدى ساقتاي وتىرىپ, كىرىستى بارىنشا كوبەيتۋ جونىندە شەشىم قابىلدادىق. ساتىپ الۋشىلار بىرىڭعاي جيناقتاۋشى زەينەتاقى قورىن جاسادى. ءبىز بۇل وپەراتسيانى جۇزەگە اسىرۋ ءۇشىن ۇكىمەتتىڭ دە, ۇلتتىق بانكتىڭ دە قولداۋىن الدىق. قازىرگى ۋاقىتتا ءبىز ۇلتتىق بانكپەن ترانزاكتسيانىڭ فورماتى تۋرالى كەلىسسوزدەر جۇرگىزىپ جاتىرمىز, – دەدى ول.
قوردىڭ 21 ءىرى ەمەس اكتيۆى بويىنشا ءىس-شارالار 2023 جىلعا دەيىن اياقتالاتىن بولادى. سونىمەن قاتار ا.ساتقاليەۆ اتاپ وتكەندەي, ولاردىڭ ارقايسىسى بويىنشا شەشىم تەك ەكونوميكالىق پراگماتيزم تۇرعىسىنان عانا قابىلدانادى.
سونىمەن قاتار ا.ساتقاليەۆ بيىلعى ماۋسىم ايىنىڭ باسىندا «سامۇرىق-قازىنا» ۇاق» اق قازاتومونەركاسىپتىڭ بۇرىن ورنالاستىرىلعان اكتسيالارىنا قولايلى سۇرانىستى پايدالانا وتىرىپ, «قازاتومونەركاسىپ» كومپانياسىنىڭ اكتسيالارى مەن جاھاندىق دەپوزيتارلىق قولحاتتارىن قوسىمشا ورنالاستىرۋ پروتسەسىن اياقتادى. ولاردى لوندون قور بيرجاسىندا (LSE) جانە استانا حالىقارالىق قارجى ورتالىعىنىڭ بيرجاسىندا (AIح) ورنالاستىرۋ قورىتىندىسى بويىنشا كومپانيا اكتسيالارىنا ينۆەستورلار تاراپىنان سۇرانىس ۇسىنىستان 2,9 ەسە اسىپ ءتۇستى.
وسىلايشا, كومپانيا اكتسيالارىنىڭ 6,28%-ى 211 ملن اقش دوللارى نەمەسە 85 ملرد تەڭگەگە ساتىلدى. احقو بيرجا الاڭىندا بارلىعى 69,7 ملن اقش دوللارىنا 53,4% قازاقستاندىق جانە 46,6% شەتەلدىك ينۆەستورلاردان وتىنىمدەر كەلىپ ءتۇستى
– ءبىز «قازاتومونەركاسىپتى» جەكەشەلەندىرۋگە بىرىڭعاي جيناقتاۋشى زەينەتاقى قورىنىڭ قاتىسۋىن قۇپتادىق. بجزق نارىقتىق كاپيتالداندىرۋدى ۇلعايتۋ مۇمكىندىگىمەن تۇراقتى ديۆيدەندتەر تولەيتىن ساپالى اكتيۆكە يە بولدى. بىرىڭعاي جيناقتاۋشى زەينەتاقى قورى «قازاتومونەركاسىپ» ءىرو ارقاسىندا 32 ملرد تەڭگە پايدا كوردى, – دەپ اتاپ ءوتتى ا. ساتقاليەۆ.
