ايماقتار • 17 ماۋسىم، 2020

قاراعاندىنىڭ شاحتاسى 1 ملن توننا كومىر ءوندىردى

665 رەت كورسەتىلدى

كەنشىلەر استاناسىنداعى ي.كوستەنكو اتىنداعى شاحتا بيىلعى جىلدىڭ العاشقى 1 ميلليون  توننا كومىرىن ءوندىردى، – دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

كوستەنكولىق كەنشىلەر "ارسەلورميتتال تەمىرتاۋ" كومپانياسىنا قاراستى كومىر دەپارتامەنتى بويىنشا بىلتىر ورناتىلعان وندىرىستىك رەكوردتان اسىپ ءتۇستى. وتكەن جىلى "شاحتينسكايا" شاحتاسى ميلليوندىق مەجەگە 28 ماۋسىمدا جەتكەن بولاتىن.

ەسەلى ەڭبەك جەڭىسىنە جەتكەن ۇجىمدى "ارسەلورميتتال تەمىرتاۋ" اق باس ديرەكتورى بيدجۋ ناير مەن كومىر دەپارتامەنتىنىڭ ديرەكتورى اندرەي چەرنوماز قۇتتىقتادى.

ءداستۇر بويىنشا ي.كوستەنكو اتىنداعى شاحتانىڭ كەنشىلەرى جۇمىس اۋىسىمىنان كەيىن كومىردىڭ سيمۆوليكالىق كەسەگىن جەر بەتىنە كوتەرىپ شىعاردى. ەڭبەك وزاتتارىن قوشەمەتشى قاۋىم گۇلدەرمەن جانە دۋ قول شاپالاقتاۋمەن قارسى العاننان كەيىن، ولاردى شاحتا ديرەكتورى سەرگەي مۋستيۆكو قۇتتىقتاپ، العىس ايتتى.

ال ديرەكتوردىڭ ءوندىرىس جونىندەگى ورىنباسارى ۆاديم ەرەمين ەرەن ەڭبەگىمەن كوزگە تۇسكەن ۋچاسكە باسشىلارى رۋسلان گافۋروۆ پەن ۆيكتور كوتەنكوۆتىڭ ۇيىمداستىرۋشىلىق قابىلەتتەرىنىڭ زور بولعانىن اتاپ ءوتتى.

"ولار ءوز ۋچاسكەلەرىندەگى جۇمىستى دۇرىس جولعا قويا ءبىلدى. سونىڭ ناتيجەسى وسىنداي تابىسقا جەتكىزدى. بۇدان بولەك، ك-3 لاۆاسىنداعى زاماناۋي FAMUR قۇرىلعىسى دا ءوندىرىس جوسپارىن اسىرا ورىنداۋعا، قاۋىپسىزدىك شارالارىن تولىعىمەن ساقتاۋعا يگى ىقپالىن تيگىزدى"، – دەدى ول.

 

 

قاراعاندى وبلىسى

 

سوڭعى جاڭالىقتار

ءادىل قازى – قوعامنىڭ قۇتى

ساياسات • بۇگىن، 00:16

باستى ماقسات – قۇقىقتىق قولداۋ

ساياسات • بۇگىن، 00:15

قىلمىستى قۇرىقتاۋ كەزەڭى

قوعام • بۇگىن، 00:11

ەلگە كەلگەندەردىڭ ەسەبى بار

قوعام • بۇگىن، 00:08

قانداستىڭ باسىن قوسقان جيىن

قازاقستان • بۇگىن، 00:05

الەمنىڭ اۋەزوۆى

ادەبيەت • بۇگىن، 00:03

تۇگەل تۇركىنىڭ تۇلعاسى

قازاقستان • بۇگىن، 00:01

بولات جولدىڭ مايتالمانى

قازاقستان • كەشە

ايۋحانوۆتىڭ ارمانى

تەاتر • كەشە

زاماناۋي كىتاپحانا

سۇحبات • كەشە

تسيفرلىق تاڭبالاۋ جۇيەسى

قازاقستان • كەشە

كولىكتەر QR-كود تاعادى

قازاقستان • كەشە

جول جوندەلسە، ىسكە سەپ

ايماقتار • كەشە

ۇقساس جاڭالىقتار