جاستارعا ارمان بولعان بولعان ميلليونداعان حالقى بار الماتى ءۇشىن باسپانا بارلىق كەزدە كوكەيكەستى ماسەلەلەردىڭ قاتارىندا. ۇلكەن شاھاردا جىلدار بويى تۇراقتى جۇمىس ىستەپ, بۇكىل تىرشىلىك-تاعدىرى وسى قالاعا تىعىز بايلانسا دا ءۇيسىز-كۇيسىز جۇرگەن جاندار جەتكىلىكتى ەكەنى ايان. كەڭەس وكىمەتىنەن مۇراعا قالعان ءبىر تالاپ - الماتىدا پاتەرلى بولۋ ءۇشىن وسى قالانىڭ تىركەۋلى تۇرعىنى بولۋعا ءتيىستى ەدىڭ... قىسقاسى, بۇگىن الماتى قالاسىنىڭ اكىمى وسى قاساڭ قاعيدانى بۇزدى.
"الماتى جاستارى 3.0» جەڭىلدەتىلگەن نەسيە باعدارلاماسىمەن تۇرعىن ءۇي الۋعا نيەتتى جۇمىس ىستەيتىن الماتىلىق جاستارعا قالادا تىركەۋدە بولۋ تالابى الىندى. وسى سەبەپكە بايلانىستى قابىلدانباعان وتىنىشتەر قايتا قارالادى. 22 ماۋسىمنان وتىنىمدەردى قابىلداۋدىڭ ەكىنشى كەزەڭى باستالادى", دەپ جازدى باقىتجان ساعىنتاەۆ Instagram پاراقشاسىندا.
