دابىلىن بەزىلدەتىپ جەتكەن ءتۇرلى قۇقىق قورعاۋ مەن توتەنشە جاعدايلار قىزمەتتەرىنىڭ ماشينالارى حالىقتىڭ كوڭىل اۋدارماسىنا قويمادى. ارتىنان پوليتسيانى "102" ءنومىرى ارقىلى شاقىرعان "قازاقتەلەكوم" قىزمەتكەرلەرىنىڭ ءوزى ەكەنى انىقتالدى. عيماراتتان بارلىق قىزمەتكەرلەر مەن كەلۋشىلەر شىعارىلدى.
سويتسە... جۇرتتىڭ ءبارىن دۇرلىكتىرىپ جۇرگەن ەسىك الدىنا ۇمىت قالدىرىلعان تەلەفون قوراپشاسى بولىپ شىقتى. ونى اڭداعان پىسىقاي كۇزەتشى قوزعاپ كورۋگە دە قورقىپ, بىردەن ءوزىنىڭ باستىعىنا حابارلاعان. اناۋ دا مۇنىڭ انىق-قانىعىنا جەتۋگە جۇرەگى داۋالاماي بىردەن پوليتسيا شاقىرعان. شاقىرۋمەن كەلگەن جارىلعىش زاتتار جونىندەگى ينسپەكتور مەن يت جەتەكتەگەن كينولوگ قوراپشادا نە جاتقانىن تەز انىقتاپ, ونىڭ ەشقانداي جارىلعىش زات ەمەس تەلەفون اپپاراتى ەكەنىنە جۇرتتىڭ كوزىن جەتكىزەدى.
"بۇل زاتتى وسىندا جاڭا تەلەفون الۋعا كەلگەن كليەنتتەردىڭ ءبىرى ۇمىت قالدىرۋى مۇمكىن. قازىر بەينەكامەرانىڭ تۇسىرىمدەرى تارازىلانىپ جاتىر. ول قوراپشانى كىم قالدىرعانىن ءتۇسىرىپ العان بولۋى كەرەك", دەيدى تەرگەۋشى كاميلا ماقينا.
پەتروپاۆل
