سپورت • 16 ماۋسىم، 2020

سەرحيو راموس رونالد كۋماندى قۋىپ جەتتى

32 رەت كورسەتىلدى

كۇللى الەمدى جايلاعان پاندەميانىڭ سالدارىنان بىرەر ايعا سوزىلعان ۇزىلىستەن كەيىن قايتا جالعاسىن تاپقان فۋتبولدان يسپانيا لا ليگاسىننىڭ 28 تۋرىندا ەكى بىردەي كەرەمەت كورسەتكىش تىركەلدى، دەپ جازادى Egemen.kz

 

ءبىرىنشىسى، "بارسەلونانىڭ" كاپيتانى ليونەل مەسسيدىڭ ەسىمى يسپانيا چەمپيوناتىندا 12 ماۋسىم بويى 20-دان اسا گول سوققان تۇڭعىش فۋتبولشى رەتىندە تاريحتا قالعانى جايىندا ءبىز بۇعان دەيىن دە جازدىق. سىرت الاڭدا "مالورقاعا" قارسى كەزدەسۋدە ارگەنتينانىڭ جۇلدىزى ءبىر رەت نىسانانى ءدال كوزدەپ، ەكى رەت وڭتايلى پاس بەردى. ناتيجەسىندە، بۇل ماتچ 1:4 ەسەبىمەن كاتالونيالىق كوماندانىڭ پايداسىنان شەشىلدى.

ەكىنشىسى، سەرحيو راموستىڭ ەرلىگى. "رەال" مەن "ەيبار" اراسىنداعى باسەكەدە كورولدىق كلۋبتىڭ كاپيتانى 30 مينۋتتا قارسىلاستار قاقپاسىنان ساڭلاۋ تاۋىپ، لا ليگاداعى 67 گولدىڭ اۆتورى اتاندى. وسىلايشا ول يسپانيا بىرىنشىلىگىندە ەڭ كوپ گول سوققان قورعاۋشىلار سايىسىندا رونالد كۋماندى قۋىپ جەتتى. 1989-1995 جىلدار ارالىعىندا "بارسەلونانىڭ" نامىسىن قورعاعان داڭقتى نيدەرلاندىق فۋتبولشى دا 67 مارتە مەرگەندىك تانىتقان ەدى. ەندى 34 جاستاعى راموسقا ويىنشى رەتىندەگى كارەراسىن الدەقاشان اياقتاعان كۋماندى باسىپ وزۋىنا تاماشا مۇمكىندىك تۋىنداپ وتىر.

 

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار