ايتۋلى جارىستىڭ باستى جەكپە-جەگىندە كىمدەر جۇدىرىقتاساتىنى بەلگىلى بولدى. شارشى الاڭدا ءالى ەشكىمنەن جەڭىلمەگەن قازاقتىڭ قوس مىقتىسى – داۋرەن ەلەۋسىنوۆ پەن ارمان رىسبەك كۇش سىناسادى. ەكەۋىنىڭ دە اۋەسقويلار اراسىندا قول جەتكىزگەن تابىستارى ەلەۋلى.
33 جاستاعى باتىس قازاقستان وبلىسىنىڭ تۋماسى داۋرەن ەلەۋسىنوۆ اۋەسقويلار اراسىندا ءبىراز جىل باق سىنادى. ەل چەمپيونى اتاندى, ازيا بىرىنشىلىگىندە قولا مەدالدى يەلەندى, بىرقاتار حالىقارالىق تۋرنيرلەردە توپ جاردى. ول قازاقستاننىڭ ماقتانىشى, وليمپيادا جانە چەمپيونى دانيار ەلەۋسىنوۆتىڭ تۋعان اعاسى. كاسىپقوي رينگتە 8 كەزدەسۋ وتكىزگەن قانداسىمىز 7 رەت جەڭىسكە جەتتى. بارلىعىندا ايقىن باسىمدىق تانىتتى. تاعى ءبىر باسەكەدە تەڭ ەسەپ تىركەلدى.
الاتاۋ باۋرايىندا دۇنيەگە كەلگەن 29 جاستاعى ارمان رىسبەك ءۇش دۇركىن قازاقستان چەمپيونى, ازيا بىرىنشىلىگىنىڭ قولا جۇلدەگەرى, بىرقاتار حزالىقارالىق جارىستاردىڭ جەڭىمپازى. دۇنيەجۇزىلىك بوكس سەرياسى دوداسىندا "استانا ارلاندارىمەن" بىرگە سول جوبانىڭ جەڭىمپازى اتاندى. كاسىپقويلار اراسىندا 7 كەزدەسۋدىڭ بارلىعىن جەڭىسپەن اياقتاعان قازاق بوكسشىسى التى قارسىلاسىن ەسىنەن تاندىردى.
