قوعام • 16 ماۋسىم، 2020

6،5 مىڭنان استام مۇمكىندىگى شەكتەۋلى ادام "ەڭبەك" مەملەكەتتىك باعدارلاماسىنا قاتىستى

19 رەت كورسەتىلدى

2020 جىلعى قاڭتار-مامىر ايلارىندا 6،5 مىڭ مۇگەدەكتىگى بار ادام ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان "ەڭبەك" مەملەكەتتىك باعدارلاماسىنا قاتىسۋشىلار قۇرامىنا قوسىلدى، ونىڭ ىشىندە تۇراقتى جۇمىس ورىندارىنا – 2 مىڭعا جۋىق ادام، ۋاقىتشا جۇمىسقا – 4،5 مىڭ ادام ورنالاستىرىلدى، - دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى.

"ەڭبەك" مەملەكەتتىك باعدارلاماسى شەڭبەرىندە 29 ادام ميكروكرەديت الدى، ونىڭ 24-ءسى جەكە ءىسىن اشتى، 106 ادام گرانت الدى.

سونىمەن قاتار "حالىقتى جۇمىسپەن قامتۋ تۋرالى" زاڭعا (بۇدان ءارى - زاڭ) سايكەس، جەرگىلىكتى اتقارۋشى ورگاندار ەڭبەك جاعدايلارى اۋىر، زياندى، قاۋىپتى جۇمىس ورىندارىن ەسەپكە الماعاندا، مۇگەدەكتەرگە ارنالعان جۇمىس ورىندارىنا جۇمىس ورىندارىنىڭ سانىنان ەكى-ءتورت پايىز مولشەرىندە كۆوتا بەلگىلەۋ ارقىلى حالىقتى جۇمىسپەن قامتۋ سالاسىنداعى مەملەكەتتىك ساياساتتى ىسكە اسىرۋدى قامتاماسىز ەتەدى.

زاڭ نورمالارىن جۇزەگە اسىرۋ كەزىندە مۇگەدەكتەرگە ارنالعان جۇمىس ورىندارىن كۆوتالاۋ قاعيدالارى بەكىتىلدى. 2020 جىلدىڭ 1-توقسانىنىڭ قورىتىندىسى بويىنشا كۆوتا بويىنشا 12 مىڭ ادامدى جۇمىسقا ورنالاستىرۋ بەلگىلەنگەن، ونىڭ ىشىندە 3 مىڭ مۇگەدەك جۇمىسقا ورنالاستىرىلدى.

وسى جىلى رەسپۋبليكالىق بيۋدجەتتەن كورۋ، ەستۋ قابىلەتى جانە تىرەك-قيمىل اپپاراتى بۇزىلعان مۇگەدەكتەر ءۇشىن 31 ارنايى جۇمىس ورنىن قۇرۋعا 34،3 ملن تەڭگە قاراستىرىلعان.

ەستەرىڭىزگە سالا كەتەيىك، قازاقستاندا 695 مىڭ مۇگەدەك تۇرادى، ونىڭ ىشىندە 424 مىڭى ەڭبەككە قابىلەتتى جاستا (61%)، 112 مىڭ ادام جۇمىس ىستەيدى.

سوڭعى جاڭالىقتار

«شىڭىراۋ» شىڭعا شىقسىن

ونەر • بۇگىن، 00:18

تىڭ تاسىلدەردىڭ ءتيىمدى تۇسى كوپ

مەديتسينا • بۇگىن، 00:14

پاسپورت

رۋحانيات • كەشە

جەكە پەسا جازۋعا لايىق

رۋحانيات • كەشە

انا مەيىرىمى

قوعام • كەشە

دوللار ارزاندادى

قارجى • كەشە

ۇقساس جاڭالىقتار