«اركتيكا مەن انتاركتيكادا اقش-تىڭ ۇلتتىق مۇددەسىن قورعاۋ» دەپ اتالاتىن قۇجاتقا سايكەس پرەزيدەنت اكىمشىلىگى 60 كۇن ىشىندە جاڭا جوسپار ازىرلەۋى كەرەك. وندا 2029 جىلعا دەيىن ءۇش ءىرى مۇزجارعىش كەمە جاساۋ مەن اقش پەن وزگە ەل اۋماعىندا ورنالاساتىن 4 بازانىڭ قۇرىلىسىنا قاتىستى ۇسىنىستار بولۋى قاجەت.
قازىر اقش-تا ءبىر ءىرى جانە ءبىر ورتاشا مۇزجارعىش كەمە بار. ال رەسەيدە وسىنداي كەمەنىڭ 40 داناسى بار. ودان وزگە فينليانديادا 7, كانادا مەن شۆەتسيادا 6 مۇزجارعىش كەمەدەن بار ەكەن.
رەسەيدىڭ اركتيكاعا قىزىعۋشىلىعى ايتپاسا دا بەلگىلى, شەكارالاس ايماق رەتىندە ونداعى تابيعي رەسۋرستى ءوندىرۋ ءۇشىن كورشىلەس ەل الدەقاشان قامدانعان. بۇل جارىسقا شەكارا بويىنشا قاتىسى جوق قىتاي دا قوسىلعان ەدى.
د.ترامپتىڭ مەموراندۋمىندا جاڭا مۇزجارعىش فلوت «ۇلتتىق جانە ەكونوميكالىق قاۋىپسىزدىك» ماقساتىندا قولدانىلادى دەلىنگەن. ونىڭ ىشىنە تابيعي رەسۋرستى بارلاۋ مەن ءوندىرۋ, سۋاستى كابەلدەرىن توسەۋ كىرەدى. جاڭا تەڭىز جولدارى مەن اركتيكاداعى مۇناي-گاز رەسۋرستارىنا تالاستىڭ قورشاعان ورتاعا كەرى اسەرى جايلى دا الاڭداۋشىلىق از ەمەس.
