1991 جىلى قازاقستان تاۋەلسىزدىگىن العاننان كەيىن, سىرتقى ىستەر ءمينيسترىنىڭ ورىنباسارى, قازاق ديپلوماتياسىنىڭ كوشباسشىسىنا اينالىپ, سىرتقى ىستەر ءمينيسترى بولىپ تاعايىندالادى. سونداي-اق قاسىم-جومارت كەمەل ۇلى قازاقستان رەسپۋبليكاسىنىڭ پرەمەر-ءمينيسترىنىڭ ورىنباسارى, پرەمەر-ءمينيسترى, كەيىن قر پارلامەنتى سەناتى توراعاسىنىڭ قىزمەتىن اتقارادى.
ءوز ەلىندە جانە شەتەلدەردە وتكەن كوپتەگەن حالىقارالىق جانە ايماقتىق كونفەرەنتسيالار مەن كەزدەسۋلەرگە قاتىسىپ, كەلىسسوزدەر جۇرگىزۋ مەن پىكىر الماسۋدىڭ قىر-سىرىن مەڭگەرەدى.
قاسىم-جومارت كەمەل ۇلىنىڭ اتقارعان كەيبىر جەتىستىكتەرىنە توقتالىپ كەتەتىن بولساق:
- 1996 جىلى يادرولىق سىناقتارعا جاپپاي تىيىم سالۋ شارتىنا قول قويعان;
- بۇۇ باس حاتشىسىنىڭ ورىنباسارى جانە بۇۇ-نىڭ جەنەۆاداعى كەڭسەسىنىڭ باس ديرەكتورى لاۋازىمدارىندا ەڭبەك ەتتى;
- "كۇشتى پرەزيدەنت – ىقپالدى پارلامەنت – ەسەپ بەرەتىن ۇكىمەت" دەگەن اتاقتى ءسوزدىڭ اۆتورى.
ول – وتە بايسالدى, از ءسوزدى, جاقسى وراتور. ول قر تۇڭعىش پرەزيدەنتى – ەلباسى نۇرسۇلتان ءابىش ۇلى نازارباەۆتىڭ وتە جاقىن سەرىگى بولىپ, ەلباسىنىڭ ومىرلىك تاجىريبەسىنەن, كوشباسشىلىق جانە قيىندىقتاردىڭ شەشىمىن تابا ءبىلۋ سياقتى قاسيەتتەرىنەن وزىنە كوپ پايدا الدى.
2019 جىلدىڭ 20-شى ناۋرىزىندا "نۇر-وتان" پارتياسى, پارلامەنت سەناتى پەن ءماجىلىسىنىڭ ءبىر اۋىزدان قولداۋىمەن قر پرەزيدەنتى لاۋازىمىنا كانديداتۋراسى ۇسىنىلدى.
كەيىن پرەزيدەنتتىك سايلاۋدا جەڭىسكە جەتىپ, 2019 جىلدىڭ ماۋسىم ايىندا جەر كولەمى جاعىنان يسلام الەمىندەگى ەڭ ۇلكەن مەملەكەت, رەسەي مەن قىتاي سەكىلدى ەكى الپاۋىت ەلدىڭ ورتاسىندا ورنالاسقان قازاقستان رەسپۋبليكاسىنىڭ پرەزيدەنتى اتاندى. سونداي-اق قازاقستان اراب ەلدەرىمەن تامىرى تەرەڭدە جاتقان يسلام ءدىنى ارقىلى دا تىعىز بايلانىسادى. اسىرەسە, قازاقستان مەن اراب تۇبەگىندەگى ەلدەر اراسىندا وتە ەرەكشە ءارى جوعارى دەڭگەيدەگى قارىم-قاتىناستار ورناتىلعان.
• نەسيە قارىزدارىن كەشىرۋ: 2019 جىلدىڭ 26 ماۋسىمىندا قاسىم-جومارت توقاەۆ 500 مىڭعا جۋىق قازاقستاندىقتىڭ شامامەن 300 مىڭ تەڭگە كولەمىندەگى بانك الدىنداعى بەرەشەگىن كەشۋ تۋرالى جارلىققا قول قويدى.
• مۇعالىمدەردىڭ جالاقىسىن كوتەرۋ: 2019 جىلدىڭ 16 تامىزىندا وتكەن تامىز كونفەرەنتسياسىندا پرەزيدەنت مۇعالىمدەردىڭ جالاقىسىن ەكى ەسەگە ارتتىرۋدى تاپسىردى.
• شاكىرتاقىنى ءوسىرۋ: 2019 جىلى 10 جەلتوقساندا قازاقستاندىق ستۋدەنتتەردىڭ شاكىرتاقىسىن ءوسىرۋدى تاپسىرعان بولاتىن.
• شاعىن جانە ورتا بيزنەستى قولداۋ: 2019 جىلدىڭ 2 قىركۇيەگىندە ۇكىمەتكە شاعىن جانە ورتا بيزنەس سالاسىنداعى كومپانيالاردى 2020 جىلدىڭ باسىنان باستاپ تابىسقا سالىناتىن سالىقتان 3 جىلعا بوساتۋ تۋرالى تاپسىرما بەردى.
قاسىم-جومارت كەمەل ۇلى توقاەۆ سويلەگەن كەزدە ونى ءبارى مۇقيات تىڭدايدى. ونىڭ ايقىن ايعاعى رەتىندە كوروناۆيرۋس پاندەمياسىنا قاتىستى اپتا سايىن, اي سايىن سويلەگەن جولداۋلارىن قازاق حالقى اسىعا كۇتىپ وتىراتىن. ول كورەگەندىلىگى مەن جىگەرىنىڭ ارقاسىندا قازاقستاندى وسى پاندەميا مەن سالدارىنان امان الىپ شىقتى. ول ارقاشان جاستارعا قولداۋ ءبىلدىرىپ, ىسكەرلىككە, كوشباسشىلىققا ۇندەپ جۇرەدى. مىنە, قازىر بيلىكتىڭ تىزگىنىن العاننان بەرى ءبىر جىل ءوتىپ وتىر. وسىعان وراي, جوعارى مارتەبەلى قر پرەزيدەنتى قاسىم-جومارت كەمەل ۇلى توقاەۆ مىرزانى شىن جۇرەكتەن قۇتتىقتايمىن. وعان ساتتىلىك پەن جەتىستىك, زور دەنساۋلىق, قازاق ەلىنە بەيبىتشىلىك, تۇراقتىلىق پەن وركەندەي بەرۋىن, باۋىرلاس قازاق حالقىنىڭ گۇلدەنە بەرۋىن تىلەيمىن.
وسى ورايدا, بارشا قازاقستاندىقتاردى, ۇكىمەتى مەن حالقىن شىن جۇرەكتەن قۇتتىقتاي وتىرىپ, جاقسىلىق, دەنساۋلىق پەن بەيبىتشىلىك تىلەگىم كەلەدى!
د-ر داحير الەنازي
زەينەتتەگى ەلشى
