قازاقستان • 15 ماۋسىم، 2020

"Nur Suńqar" جۋرناليستەر بايقاۋىنا وتىنىمدەر قابىلداۋ باستالدى

"Nur Otan" پارتياسى جۋرناليستەر اراسىندا جىل سايىن وتەتىن "Nur Suńqar" رەسپۋبليكالىق بايقاۋىنىڭ باستالعانىن حابارلادى، - دەپ جازادى Egemen.kz.

جىبەك اعداري

قازىرگى تاڭدا "Nur Suńqar" سىيلىعى – قازاقستاندىق جۋرناليستەردىڭ ەڭ ۇزدىك شىعارمالارىنا بەرىلەتىن وتاندىق مەديا سالاسىنداعى بەدەلدى ماراپاتتاردىڭ ءبىرى. سىيلىق وتاندىق باق پەن جۋرناليستيكانىڭ دامۋىنا سەرپىن بەرۋدى كوزدەيدى.

بايقاۋعا ەلىمىزدىڭ قوعامدىق-ساياسي تاقىرىپتاعى، ەكونوميكالىق، رۋحاني جاڭعىرۋ جانە پارتيانىڭ باعدارلامالىق قۇجاتتارى مەن جوبالارىن ىسكە اسىرۋعا ارنالعان، سونداي-اق پارتيا مەن ونىڭ كوشباسشىسى ن.ءا. نازارباەۆتىڭ قىزمەتى جايلى ماتەريالدار قابىلدانادى.

بايقاۋ شارتى بويىنشا 2019 جىلدىڭ 1 قىركۇيەگى مەن 2020 جىلدىڭ 18 ماۋسىمى ارالىعىندا جارىق كورگەن ءارتۇرلى جانرداعى: وچەرك، سۇحبات، ماقالا، تەلە جانە راديوحابار، جۋرناليستىك زەرتتەۋ ماتەريالدارى قابىلدانادى.

بايقاۋ جۇمىستارى قازاق جانە ورىس تىلىندە تاپسىرىلادى. وتىنىشتەر 2020 جىلدىڭ 19 مامىرى مەن 18 ماۋسىمى ارالىعىندا نۇر-سۇلتان ۋاقىتىمەن ساعات 23:00-گە دەيىن قابىلدانادى.

جەڭىمپازدار 9 اتالىم بويىنشا انىقتالادى:

"تەلەۆيزيا ۇزدىگى" – ۇزدىك تەلەۆيزيالىق جۋرناليست;

"ۇشقىر قالام" – ۇزدىك گازەت ءجۋرناليسى;

ء"ۇنجاريا" – راديونىڭ ۇزدىك ءجۋرناليسى;

"QazNet ۇزدىگى" – ينتەرنەت باسىلىمنىڭ ۇزدىك ءجۋرناليسى»;

"پارتيانىڭ "قايتا جاندانۋى" بويىنشا ۇزدىك ماتەريال»;

"ەلباسى سالعان سارا جول" – ەلباسى قىزمەتىن ۇزدىك جارىققا شىعارعانى ءۇشىن;

"بلوگوسفەرا ۇزدىگى" – الەۋمەتتىك جەلىدەگى ۇزدىك جاريالانىم;

"العى شەپ" – توتەنشە جاعدايدى جاريا ەتۋ بويىنشا قاجىرلى ەڭبەگى ءۇشىن;

ء"بىز بىرگەمىز" – ۆولونتەرلىك جۇمىس تۋرالى ءۇزدىڭ جاريالانىم; جەڭىمپازدار بايلانىس جانە اقپارات قىزمەتكەرلەرى كۇنى قارساڭىندا ماراپاتتالادى.

بايقاۋ جەڭىمپازدارىنا اقشالاي جۇلدە مەن باعالى سىيلىقتار تابىستالادى. بايقاۋ ەرەجەسىمەن پارتيانىڭ سايتىنان تانىسۋعا بولادى.

ال ماتەريالداردى ۇيىمداستىرۋ كوميتەتىنىڭ nursunqar2020@nurotan.kz ەلەكتروندى پوشتاسىنا جولداي الاسىز. قوسىمشا سۇراقتار بويىنشا 8 776 777 09 22 نومىرىنە سەيت ايشولپانعا حابارلاسۋعا بولادى.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز