ا.قۇنانباي ۇلىنىڭ 175 جىلدىق جانە ءال-ءفارابيدىڭ 1150 جىلدىق مەرەيتويى قارساڭىندا دارا تۇلعالاردىڭ تارتىپكە, ەڭبەككە, تاربيەگە جەتەلەيتىن "بالانى ەڭ اۋەلى مەيىر-شاپاعاتقا, ودان سوڭ اقىل-پاراساتقا, اقىرىندا ناعىز پايدالى عىلىمعا, ەڭبەككە باۋلى", "تاربيەلەۋ دەگەنىمىز – ادامنىڭ بويىنا بىلىمگە نەگىزدەلگەن ەتيكالىق قۇندىلىقتار مەن ونەر قۋاتىن دارىتۋ" سىندى قاناتتى سوزدەرى كورسەتىلدى.
ادىلدىك پەن ادالدىقتى تۋ ەتكەن دانا تۇلعالارىمىز ءال-فارابي, ا.قۇنانباي ۇلى, ب.مومىش ۇلى, م.اۋەزوۆ, ا.بايتۇرسىنوۆ, ش.ءۋاليحانوۆتىڭ سوزدەرى قالا كوشەلەرىندە, ايالدامالاردا, اەروپورتتا, اقپاراتتىق مونيتورلار مەن لەد ەكراندارعا ورنالاستىرىلدى.
سونىمەن قاتار "حالىق ۇنىنە قۇلاق اساتىن مەملەكەت" تۇجىرىمداماسىن ىسكە اسىرۋ, حالىقتى اگەنتتىكتىڭ "1424 Call-ورتالىعىمەن" حاباردار ەتۋ جانە قالا تۇرعىندارىمەن ورتاق مۇددە ءۇشىن بىرلەسىپ قىزمەت اتقارۋ ماقساتىندا بيلبوردتارعا "1424 Call-ورتالىعىنىڭ" ءنومىرى ورنالاستىرىلدى.
Call-ورتالىقتىڭ وپەراتورلارى اگەنتتىكتىڭ قىزمەتى تۋرالى سۇراقتارعا جاۋاپ بەرىپ, سىبايلاس جەمقورلىق فاكتىلەرى, قۇقىق بۇزۋشىلىقتار جونىندە, سونداي-اق كاسىپكەرلىك قىزمەتكە كەدەرگى كەلتىرۋ جاعدايلارى تۋرالى تەلەفون حابارلامالارىن تاۋلىك بويى قابىلدايدى.
اتالعان جۇمىستار كورنەكى اقپاراتتار ارقىلى قالا تۇرعىندارىن كەڭ كولەمدە قامتۋعا باعىتتالعان.
