تۇلكىباس اپب-ءنىڭ كەزەكشى بولىمىنە تۇلكىباس اۋدانىنا قاراستى اۋىلداردىڭ بىرىندە جەرگىلىكتى تۇرعىن, ءوز ۇيىندە قۇرامىندا ەسىرتكى زاتى بار وسىمدىكتەردى وسىرۋمەن اينالىساتىنى تۋرالى حابارلاما كەلىپ ءتۇستى. بۇل جايت قر قىلمىستىق كودەكسىنىڭ 300-بابى (قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ) بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى.
جەدەل-ىزدەستىرۋ ءىس-شارالارىنىڭ قورىتىندىسىندا تۇركىستان اۋداندىق پوليتسيا ءبولىمىنىڭ قىزمەتكەرلەرى تۇركىستان وبلىسى پد كريمينالدىق پوليتسيا باسقارماسىنىڭ جەدەل ۋاكىلدەرىمەن بىرلەسىپ, اتالعان مەكەن-جاي بويىنشا تەكسەرۋ جۇمىستارىن جۇرگىزىپ, جەرگىلىكتى تۇرعىنىڭ باۋ-باقشاسىنان ەگىلگەن قاراسورا تاپتى.
ءتىنتۋ بارىسىندا پوليتسيا قىزمەتكەرلەرى ايعاقتى زات رەتىندە قۇرامىندا ەسىرتكى زاتى بار بەس ءتۇپ وسىمدىكتى تاركىلەدى. كۇدىكتى ءوز ارەكەتىن تولىق مويىنداي كەلە, ءوزى تۇتىنىپ قولدانۋ ءۇشىن قاراسورا وسىرگەنىن ايتتى.
قازىرگى ۋاقىتتا ەسىرتكى ەگۋدى زاڭسىز ءوسىرۋ جايتى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. ەر ادام قولحاتپەن بوساتىلدى. تەرگەۋ بۇگىندە ءىستىڭ بارلىق ءمان-جايىن انىقتايدى.
تۇركىستان وبلىسىنىڭ پوليتسەيلەرى زاڭسىز, قۇرامىندا ەسىرتكى زاتى بار وسىمدىكتەردى ەككەنى ءۇشىن قىلمىستىق جاۋاپكەرشىلىك قاراستىرىلعانىن ەسكە سالادى. وسى باپتىڭ سانكتسيالارى ەكى مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە التى ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا نە ەكى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.
