"بالالار جۇرەكپەن ءۇن قاتادى" اتتى بايقاۋ ءوز مارەسىنە جەتتى

ادەبيەت • 15 ماۋسىم، 2020

"بالالار جۇرەكپەن ءۇن قاتادى" اتتى بايقاۋ ءوز مارەسىنە جەتتى

40 رەت كورسەتىلدى

شايسۇلتان شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعىنىڭ قازاقستان رەسپۋبليكاسىنىڭ مەملەكەتتىك رامىزدەرى كۇنىنە وراي الەۋمەتتىك جەلىلەردە ۇيىمداستىرعان «بالالار جۇرەكپەن ءۇن قاتادى» اتتى بايقاۋى ءوز مارەسىنە جەتتى، - دەپ حابارلايدى Egemen.kz

بەكەن قايرات ۇلى

بايقاۋدىڭ نەگىزگى ماقساتى – تۇعىرلى انا ءتىلىمىزدىڭ قۇدىرەتىن تانىتۋ; بارشا قازاقستاندىقتاردى بىرىكتىرۋشى فاكتور رەتىندەگى ءرولىن ناسيحاتتاۋ; قازاق ءتىلىنىڭ اۋەزدىلىگىن پاش ەتۋ، كوركەم دە ايشىقتى تۇردە بەينەلەۋ; جاس ۇرپاقتىڭ بويىندا ءوز تۋعان ءتىلى ءۇشىن ماقتانىش سەزىمىن وياتۋ.

سونداي-اق بالالاردى تۋعان تىلىنە دەگەن قۇرمەت سەزىمىنە باۋلۋ، ۇلتتىق نىشاندارىمىز ارقىلى ۇلتجاندى تۇلعا تاربيەلەۋگە ىقپال ەتۋدى باستى نازاردا الدى.

بايقاۋدىڭ شارتى بويىنشا، 7-12 جاس ارالىعىنداعى بالالار عانا قاتىسۋعا مۇمكىندىك الىپ، ەكى شۋماقتان، ون ەكى جولدان اسپايتىن شىعارما وقۋعا مىندەتتى بولدى.

تاقىرىپتىڭ ماڭىزىن جۇدىرىقتاي جۇرەگىمەن ىنتالانا قابىلداعان جاس وركەن ىستىق ىقىلاسىن تانىتىپ، جوعارى بەلسەندىلىكپەن قاتىستى.

كەڭ بايتاق ەلىمىزدىڭ تۇكپىر-تۇكپىرىنەن بايگەدەن ۇمىتكەر بالدىرعاندار 4-12 ماۋسىم ارالىعىندا الەۋمەتتىك جەلىدەگى ءوز پاراقشاسىندا بەينەبايان جاريالادى.

قازىلار القاسى وسى ورايداعى جۇمىستاردى جان-جاقتى ساراپتاپ، بايقاۋ شارتىنىڭ بۇزىلماۋىن قاتاڭ قاداعالاپ وتىردى.

شايسۇلتان شاياحمەتوۆ اتىنداعى ء"تىل-قازىنا" ۇلتتىق عىلىمي-پراكتيكالىق ورتالىعى باس ديرەكتورىنىڭ ورىنباسارى، قازىلار القاسىنىڭ توراعاسى ايدوس ابدىحالىق: "كوزى قاراقتى وقىرمان ءبىر اپتادان استام ۋاقىت بۇلاقتىڭ سىلدىرىنا قۇلاق ءتۇرىپ، بالا تۇلپاردىڭ تۇياق دۇبىرىنە قانىقتى دەۋگە ابدەن بولادى. تۋعان ءتىلى تۋرالى جىر مارجاندارىن تەرىپ الىپ، كوزدەرى جالت-جۇلت ەتىپ جان-تانىمەن بەرىلە وقىعان جاس تالاپكەر كوڭىلىڭدى وسىرەدى. تاقىرىپ تاڭداۋى، ونى يگەرىپ، كورەرمەنگە جەتكىزە ءبىلۋى – بيىك تالعام مەن ءسوز جاۋھارىن جۇرەكپەن ۇعاتىندىقتارىنان حابار بەرەدى. ديپلوم تاعايىندار كەزدە ءار ق ۇلىنشاقتىڭ ءبىر-ءبىر ەرەكشەلىگىن باسا كورسەتۋگە تىرىستىق".

سان مىڭداعان وقىرمان بەلسەندى قاتىسۋشىلاردىڭ اياق الىسىنا مەيلىنشە قولداۋ ءبىلدىرىپ، ءبولىسىپ وتىردى. بالعىن تالانتتاردىڭ بارىندە دەرلىك جۇزگە جۋىق جۇرەك ءلۇپىلى مەن اق باتا تىلەگەن اقجولتاي تىلەك ءجۇر. بۇدان بايقاۋدىڭ ەل اراسىندا ۇلكەن قوزعالىس تۋدىرعانىن اڭداۋ قيىن ەمەس.

ناتيجە تومەندەگىشە:

رەتتىك ءنومىرى №	ۇمىتكەردىڭ اتى-ءجونى	مەكەنجايى	بايگەدەن العان جۇلدەسى
1.	ەرجان ادەمى، 8 جاستا، ديحان ابىلەۆ، "تۋعان ءتىلىم"	نۇر-سۇلتان قالاسى	ديپلوم باس جۇلدە
2.	ارنۇر ساعاتبەك، 6-سىنىپ وقۋشىسى، مۇقاعالي ماقاتاەۆ ء"ۇش باقىتىم"	الماتى قالاسى	ديپلوم ءى ورىن
3.	توقتامۇرات بەكبولات بيجان ۇلى، 7 جاستا، "مەن باقىتتى بالامىن"	نۇر-سۇلتان قالاسى	ديپلوم ءىى ورىن
4.	نۇريسلام بولات ۇلى، مۇقاعالي ماقاتاەۆ، ء"ۇش باقىتىم"	قىزىلوردا قالاسى	ديپلوم ءىى ورىن
5.	جاقسىبەك ينابات تلەۋحانقىزى، 9 جاستا، مۇقاعالي ماقاتاەۆ، ء"ۇش باقىتىم"	تۇركىستان وبلىسى، تۇلكىباس اۋدانى، م.شاحانوۆ اتىنداعى مەكتەپ	ديپلوم ءىىى ورىن
6.	ناعاشبەك ايگەرىم رىسماحانقىزى، 9 جاستا، ب.تاجىباەۆ، "تۋعان جەر"	شىمكەنت قالاسى فۋرقات اتىنداعى №37 مەكتەپ	ديپلوم "مانەرلەپ وقۋ" اتالىمى
7.	قامزا سانجار راقىمجان ۇلى، 9 جاسار، "تۋعان جەرگە تىرەك بولۋ – ەرگە سىن"	تۇركىستان وبلىسى، تۇلكىباس اۋدانى، س.سەيفۋللين اتىنداعى ورتا مەكتەپ	ديپلوم "تاقىرىپ تاعىلىمى" اتالىمى
8.	جاسۇلان ايانات، ماعجان جۇماباەۆ، "قازاق ءتىلى"	باتىس قازاقستان وبلىسى، جانىبەك اۋدانى، ۇزىنكول اۋىلدىق وكرۋگىنىڭ "ەڭبەكشى" بولىمشە كىتاپحاناسىنىڭ وقىرمانى	ديپلوم "سەزىم مولدىرلىگى" اتالىمى
9.	امانگەلدى ايارۋ اقىلبەكقىزى، ماعجان جۇماباەۆ، "قازاق ءتىلى"	باتىس قازاقستان وبلىسى، جانىبەك اۋدانى، اقوبا اۋىلدىق حابي حاليۋللين اتىنداعى ورتا مەكتەپتىڭ 4-سىنىپ وقۋشىسى	ديپلوم "تاقىرىپ تەرەڭدىگى" اتالىمى
10.	قۇلمانوۆ الىشەر ەرمەك ۇلى، "الەمنىڭ كۇن كوزىندەي..."	قىزىلوردا قالاسى	ديپلوم "جالىندى جىگەر" اتالىمى
11.	جانىبەك ءالي قانات ۇلى، قادىر مىرزا ءالي، "انا ءتىلىڭ – ارىڭ بۇل"	وسكەمەن قالاسى اكىمدىگى ارناۋلى ورتا مەكتەبىنىڭ 4-سىنىپ وقۋشىسى	ديپلوم "قايرات قاينارى" اتالىمى
12.	دەمەس جانەركە شالحارقىزى، "ەلتاڭبا"	قىزىلوردا قالاسى	"ينابات ءيىرىمى" اتالىمى
13.	ءجۇمادىل دىنمۇحاممەد، 8 جاستا، نەسىپبەك ايت ۇلى، "انا ءتىلىم"	قىزىلوردا قالاسى	ديپلوم "بالا تۇلپار" اتالىمى
14.	تورتاەۆ ەرجان ماقسۇت ۇلى، 11 جاستا، "شىر ەتىپ دۇنيەگە مەن كەلگەندە"	الماتى وبلىسى، اقسۋ اۋدانى، ءى.جانسۇگىروۆ اتىنداعى اۋىل	ديپلوم "ادەمى ارلەۋ" اتالىمى
15.	تەمىرجان گۇلناز ەرجانقىزى، مۇزافار الىمباەۆ، "انا ءتىلىم"	باتىس قازاقستان وبلىسى، جانىبەك اۋدانى، اقوبا اۋىلدىق حابي حاليۋللين اتىنداعى ورتا مەكتەپتىڭ 4-سىنىپ وقۋشىسى	ديپلوم "بۇلاق سىلدىرى" اتالىمى