اكتسياعا ءار ءتۇرلى سالا قىزمەتكەرلەرىنەن 80-گە جۋىق قالا تۇرعىنى قاتىستى. ونىڭ ىشىندە 70-كە جۋىق ادام دونور بولىپ, 33 ل قان تاپسىردى. قان تاپسىرعان دونورلارعا ازاماتتىق ورتالىق اتىنان ارنايى تاتتىلەر تاراتىلدى. دونورلار تاپسىرعان قان حيرۋرگيالىق اۋرۋلار, گەموتولوگيالىق, گينەكولوگيالىق اۋرۋلارعا جانە اۋىر جول اپاتىنا تۇسكەن جاندارعا شۇعىل تۇردە قۇيىلادى.
اتىراۋ وبلىسى قان ورتالىعى ديرەكتورىنىڭ ورىنباسارى جاڭىلسىن شينداۋلوۆانىڭ ايتۋىنشا, اتىراۋ وبلىستىق قان ورتالىعىندا جىلىنا 6579 ادام دونور بولۋعا كەلەدى. سونىڭ ىشىندە, 483 تۇراقتى دونور بار. ءۇش اي سايىن ولار ورتالىققا قان تاپسىرىپ وتىرادى. ال جىل باسىنان بەرى ورتالىققا 3525 ادام دونور بولىپ, 1808 ل قان تاپسىرعان.
سونداي-اق بۇگىن 14 ماۋسىم – دونورلار كۇنىنە وراي اتىراۋ وبلىستىق قان ورتالىعىندا بەلسەندى دونورلاردى مەرەكەمەن قۇتتىقتاۋ ماقساتىندا كونتسەرتتىك شارا ۇيىمداستىرىلدى. شارادا بەلسەندى دونورلار ارنايى سىيلىقپەن ماراپاتتالدى. بۇل شاراعا ء"ومىر گ ۇلى" جانە "مەن بارمىن" قوعامدىق بىرلەستىگىنىڭ ونەرپازدارى دا اتسالىسىپ, ءوز ونەرلەرىن كورسەتتى.
دونورلىق – ءوز قانىڭدى مۇقتاج جانعا سىيلاۋ, ونىڭ ءومىرىن قۇتقارۋ. كەز كەلگەن ادام قان تاپسىرماس بۇرىن مىندەتتى تۇردە مەديتسينالىق تەكسەرۋدەن وتكىزىلەدى. قانداعى گەموگلوبين مولشەرى تومەن ادامدار دا (ايەلدەردە - 110 گ/ل, ەركەكتەردە - 120 گ/ل) ۋاقىتشا دونور بولا المايدى. سونداي-اق, قان تاپسىراردان ءبىراز بۇرىن وتا جاساتقاندار, ءتىسىن ەمدەتىپ نەمەسە جۇلدىرعاندار, ءدارى-دارمەك ىشكەندەر, ەكپە سالدىرعاندار, ەندەميالىق اۋداندارعا بارىپ كەلگەندەردىڭ دونور بولۋىنا ۋاقىتشا شەكتەۋ قويىلادى.
