قوعام • 15 ماۋسىم، 2020

باقىتجان ساعىنتاەۆ مەگاپوليستە جۇمىسقا ورنالاسۋدىڭ جۇيەسى تۋرالى ءتۇسىندىردى

22 رەت كورسەتىلدى

الماتى قالاسىنىڭ اكىمى باقىتجان ساعىنتاەۆ الماتىدا جۇمىسقا ورنالاسۋدىڭ جۇيەسى تۋرالى ءتۇسىندىردى، - دەپ حابارلايدى Egemen.kz.

الماتى اكىمى باقىتجان ساعىنتاەۆ ءوزىنىڭ Instagram-داعى پاراقشاسىندا مەگاپوليستە جۇمىسقا تۇرۋ جۇيەسىنىڭ قالاي اتقارىلاتىنى جايلى بەينەروليك جاريالادى.

بەينەروليكتە كەلتىرىلگەن مالىمەت بويىنشا بيىل قالادا 56 مىڭ جۇمىس ورنى قۇرىلادى دەپ كۇتىلۋدە. ونىڭ ىشىندە 25 مىڭ جۇمىس ورنى "جۇمىسپەن قامتۋدىڭ جول كارتاسى" باعدارلاماسى بويىنشا. وسى باعدارلاما اياسىندا جول جوندەۋ، قوعامدىق كەڭىستىكتەر مەن باسقا دا ورىنداردى اباتتاندىرۋ جوبالارى جۇزەگە اساتىن بولادى.

"جۇمىس ىزدەگەن قالا تۇرعىندارى قالالىق جۇمىسپەن قامتۋ ورتالىعىنا جۇگىنەدى. "ەكى قولعا ءبىر كۇرەك ىزدەگەن" 27 مىڭ ازاماتتىڭ 13،5 مىڭى جۇمىسپەن قامتىلدى. ولاردىڭ ىشىندە كۇزەت كومپانياسىنا جۇمىسقا تۇرعان دينا ەرەكەشوۆا بار"، - دەپ جازدى ب.ساعىنتاەۆ.

روليكتە باياندالعانداي، د. ەرەكەشوۆا كوپ ۋاقىت بويىنا جۇمىس تابا الماي جۇرگەن. سودان جۇمىسپەن قامتۋ ورتالىعىنا جۇگىنۋدى ءجون كورىپ، اتالعان مەكەمەگە بارادى. مۇندا ول قاجەتتى بارلىق كەڭەستەردى الادى جانە ۇسىنىلعان بوس ورىنداردىڭ ىشىنەن وزىنە كەرەكتىسىن تاڭدايدى. قازىرگى كەزدە الماتىلىق ايەل كۇزەت اگەنتتىگىندە اكىمگەر بولىپ جۇمىس ىستەۋدە.

"بىزدەگى "ەڭبەك" ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسىندا ءۇش باعىت بار: قوعامدىق جۇمىستار، الەۋمەتتىك جۇمىس ورىندارى جانە جاستار تاجىريبەسى"، - دەپ حابارلادى الماتى اكىمى.

سوڭعى جاڭالىقتار

قانشا ادام ۆاكتسينا سالدىردى؟

كوروناۆيرۋس • بۇگىن، 09:16

ۇقساس جاڭالىقتار