ايماقتار • 15 ماۋسىم، 2020

سەمەيلىك جاۋىنگەردىڭ سۇيەگى 78 جىلدان كەيىن تۋعان جەرىنە جەتكىزىلدى

543 رەت كورسەتىلدى

ەكىنشى دۇنيە جۇزىلىك سوعىس جىلدارىندا سمولەنسك تۇبىندە قازا تاپقان  ومىرزاق قازانقاپوۆتىڭ سۇيەگى ارنايى بورت ارقىلى اۋەلى رەسەيگە، رەسەيدەن جاۋىنگەردىڭ تۋعان جەرى – سەمەي قالاسىنا جەتكىزىلىپ، قايتا جەرلەندى. تۋىستارىنا ونىڭ جەكە زاتتارىن دا تابىس ەتىپتى، - دەپ جازادى Egemen.kz

ەسكە الۋ ءراسىمى سەمەي گارنيزونىنىڭ وفيتسەرلەر ۇيىندە ءوتتى. شاراعا "شىعىس" وڭىرلىك قولباسشىلىعى اسكەرلەرى باسشىلىعى، قالالىق اكىمدىك پەن قالالىق سوعىس جانە ەڭبەك ارداگەرلەرى كەڭەسىنىڭ وكىلدەرى جانە جاۋىنگەردىڭ تۋىستارى قاتىستى.

ا

ومىرزاق قازانقاپوۆ 120-شى جەكە اتقىشتار بريگاداسىنىڭ قۇرامىندا رجەۆ-سىچەۆ وپەراتسياسىنا قاتىسقان كەزدە 1942 جىلدىڭ 14 تامىزىندا قازا تاپقان. 78 جىلدان كەيىن تۋىستارى ونىڭ قازا تاپقان جەرىن انىقتاپتى. جاۋىنگەردىڭ سۇيەكتەرىن "پويسك" ماسكەۋ قوعامدىق ۇيىمىنىڭ "كوبالت" ىزدەۋ جاساعى سمولەنسك وبلىسى تەمكين اۋدانىنىڭ اۋماعىنان تاپقان كورىنەدى.

ۆ

ىزدەۋ جاساعى ساربازدىڭ تۋعان-تۋىستارىن ۇزاق ۋاقىت ىزدەگەن ەكەن. ناتيجەسىندە سەمەي مەن پاۆلوداردا تۇراتىن شوبەرەلەرى  ومارعالي ماديار مەن ءلاززات قازانقاپوۆانى تاۋىپ، "كوبالت" ىزدەستىرۋ جاساعىنىڭ كومانديرى ساربازدىڭ سۇيەكتەرىمەن بىرگە تۋىستارىنا ونىڭ جەكە زاتتارىن دا تابىس ەتىپتى.

ى

اتاپ ايتقاندا، كاسكا، ساپەرلىك كۇرەك، سابىن سالعىش، ساپتىاياق، مەدالون، رامكاداعى جاپسىرما، تاريحي انىقتاما جانە قۇجاتتارى بار مەدال. ء"بىز سوعىستان قايتىپ ورالماعان ومىرزاق قازانقاپوۆتىڭ سۇيەگىنىڭ تۋعان جەرىنە جەتكىزىلگەنىنە قۋانىشتىمىز. سوعىس باتىرلارىن ماڭگى ەستە ساقتاۋ ءۇشىن تىنىمسىز ىزدەۋ جۇمىستارىن جۇرگىزۋگە بەلسەندى قاتىسقان بارلىق ازاماتتارعا العىس ايتامىن" دەيدى گەنەرال-مايور اسان ءجۇسىپوۆ.

سەمەي

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار