انگليا پرەمەر-ليگاسىندا قالۋدى ءجون ساناعان ۆيردجيل وسىعان دەيىن اپتاسىنا 200 مىڭ ەۆرو الىپ كەلسە, ەندى 245 مىڭ ەۆرو الاتىن بولادى. وسىلايشا, ونىڭ ەسىمى "ليۆەرپۋل" ساپىنداعى جالاقىسى ەڭ جوعارى ويىنشى رەتىندە تاريحتا قالدى. بۇعان دەيىن كوشباسىندا – مۇحاممەد سالاح ەدى. مىسىرلىق شابۋىلشىنىڭ اپتالىق ەڭبەكاقىسى 222 مىڭ ەۆرونى قۇراعان ەدى.
8 شىلدەدە 29 جاسقا تولعالى وتىرعان ۆيردجيل ۆان دەيك نيدەرلاندتىڭ برەدا قالاسىندا تۋىپ-ءوستى. بويى – 193 سانتيمەتر, سالماعى – 92 كيلو. فۋتبول الىپپەسىن ءوزىنىڭ تۋعان قالاسىندا ۇيرەگەن ول ەسەيە كەلە نيدەرلاندتىڭ "گرونينگەن", شوتلانديانىڭ "سەلتيك" جانە انگليانىڭ "ساۋتگەمپتون" كلۋبتارىندا وينادى. 2008 جىلى "ليۆەرپۋلدىڭ" جەيدەسىن كيدى.
2015 جىلدان بەرى نيدەرلاند ۇلتتىق قۇراماسىن نامىسىن قورعاپ جۇرگەن ۆيردجيل ۆان دەيك 33 رەت جاسىل الاڭعا شىعىپ, 4 گولدىڭ اۆتورى اتاندى. 2019 جىلى پورتۋگاليادا وتكەن ۇلتتار ليگاسى دوداسىندا ءوز كومانداسىمەن بىرگە كۇمىس مەدالدى يەلەندى.
